Author: lensherra

Leikfélag Hörgdæla frumsýnir glænýtt íslenskt verk fimmtudagskvöldið 28. febrúar kl. 20.00 á Melum í Hörgárdal. Verkið er byggt á þjóðsögunni um Djáknann á Myrká og er eftir Jón Gunnar Th. sem jafnframt leikstýrir verkinu. Tónlistin er eftir Skúla Gautason og er samin sérstaklega fyrir þessa sýningu. Þarna er á ferðinni klassísk ástar- og draugasaga sem gerist í Hörgárdalnum. Djákninn átti í tygjum við stúlku eina er Guðrún hét og kom hún frá Bægisá. Djákninn hafði boðið Guðrúnu til jólagleði en… 17 leikarar auk hljóðfæraleikara eru á sviði í sýningunni en alls hafa yfir 40 manns komið að uppsetningunni. Leikarahópurinn...

Ungmennafélag Reykdæla frumsýnir 1. mars nk. leikritið Bar par eftir Jim Cartwright.  Leikstjóri er Þröstur Guðbjartsson, og er þetta þriðja skiptið í röð sem hann leikstýrir hjá UMFR. Leikendur, sem eru tólf talsins, eru á ýmsum aldri, sá yngsti 10 ára og sá elsti á óræðum aldri. Sumir að taka þátt í sinni fyrstu sýningu, en aðrir hafa leikið í hinum ýmsum verkum sem UMFR hefur sett upp undanfarna áratugi. Leikmynd, búningar og tæknileg útfærsla er í höndum félaga í UMFR. Leikritið Bar-par gerist á einu kvöldi á krá í smábæ á Norður-Englandi. Þangað eiga erindi ýmsir aðilar, fastagestir...

Vegna mikillar aðsóknar verður aukasýning á Gutta og félögum hjá Leikfélagi Kópavogs, sunnudaginn 3. mars kl. 16.00.  Uppselt er á sýningar laugardaginn 2. og 3. mars kl. 14.00. Gutti og félagar er byggt á Guttavísum og fleiri kvæðum Stefáns Jónssonar. Flestir sem komnir eru á fullorðinsár þekkja vísurnar um óþekktarangann Gutta og prakkarastrik hans en Gutti er einmitt aðalpersónan í leiksýningunni ásamt félögum sínum úr hverfinu. Nánari upplýsingar á www.kopleik.is. Verkið er eftir Örn Alexandersson en hann er jafnframt leikstjóri. Auk Gutta eru aðrar persónur úr kveðskap Stefáns sem allir þekkja, svo sem Óli Skans og Vala kona hans, Ranka sem var...

Leikfélag Fljótsdalshéraðs og Leikfélag Menntaskólans á Egilsstöðum hafa sameinað krafta sína þennan veturinn og vinna nú að uppsetningu á Kardimommubænum eftir Torbjörn Egner. Leikstjóri sýningarinnar er Gunnar Björn Guðmundsson sem er landsmönnum að góðu kunnur m.a. fyrir leikstjórn kvikmyndanna Gauragangs og Astrópíu auk Áramótaskaupa síðustu fjögurra ára. Gunnar hefur einnig leikstýrt heilmörgum áhugaleiksýningum og setti upp sýninguna Góðverkin kalla! með Leikfélagi Fljótsdalshéraðs árið 2009. Við uppsetningu sýningarinnar var reynt að fara sem næst því útliti sem birtist í myndskreytingum Egners sjálfs á upphaflegu barnabókinni Folk og rövere i Kardemomme by sem kom út árið 1955. Æfingar hafa staðið yfir...

Leikfélag Hveragerðis frumsýnir  föstudagskvöldið 1. mars  klukkan 20.00 sprenghlægilega farsann Með vífið í lúkunum  eftir breska leikskáldið Ray Cooney. Leikritið fjallar um leigubílstjórann Jón Michelsen sem býr bæði á Selfossi og í Hveragerði með tveimur konum, einni á hvorum stað án þess að önnur viti af hinni. Leikarar eru átta en með helstu hlutverk fara Davíð Kárason, Hrafnhildur Faulk og Árný Rún Helgadóttir. Leikstjóri er Ingrid Jónsdóttir. Næstu sýningar eru 3. 6. og 8 mars. Sýningar eru í Leikhúsinu Austurmörk 23. Miðaverð er 2.000 kr. en 1700 kr. fyrir hópa 15 manns eða fleiri. Miðapantanir í síma 863-8522 og...