Author: lensherra

Nú fer hver að verða síðastur að sjá leikritið Logskeran eftir Magnus Dalhström í uppfærslu Leikfélags Hafnarfjarðar. Síðasta sýning er á miðvikudaginn 5. júní og hefst kl. 20.00 og er  sýnt í Gaflaraleikhúsinu. Leikstjóri er Gunnar Björn Guðmundsson og leikendur eru Gísli Björn Heimissson og Halldór Magnússon. Leikritið gerist í búningsherbergi í járnsmiðju þar sem Jonni og Úlli hafa báðir tekið sér frí á miðjum degi. Ljóst verður í upphafi leikritsins að vinskapur þeirra er ekki eins og best verður á kosið og þeir rífast stanslaust. Jonni sakar Úlla um það að hafa gleymt að skrúfa fyrir gasið á...

Leikfélögin í Fjallabyggð, Leikfélag Siglufjarðar og Leikfélag Ólafsfjarðar, munu sýna söng- og gamanleikinn Stöngin inn á Stóra sviðinu í Þjóðleikhúsinu 16. júní kl. 19.30. Stöngin inn hefur fengið frábær viðbrögð og frábærar viðtökur í heimabyggð, en yfir 1.000 manns hafa séð verkið og svo haldið til síns heima með bros á vör, en valnefnd Þjóðleikhússins útnefndi sýninguna Athygliverðastu áhugaleiksýninguna 2013 nú á dögunum. Það verður enginn svikinn af þessari skemmtilegu sýningu sem inniheldur m.a. söng, grín og glens, baráttu kynjanna, knattspyrnu og kynlífsleysi. Valnefnd sagði um sýninguna: „Leikfélag Ólafsfjarðar og Leikfélag Siglufjarðar sameinuðu krafta sína í uppsetningunni á þessu...

Pörupiltar eru í útrás og verða með uppistandið sitt Homo Erectus í Pop Up Art House leikhúsinu, Diana scene í Finnlandi þriðjudaginn 4. júní nk. kl. 19.00. Uppistandið verður lokasýningin á leiklistarhátíð sem leikhópurinn Blaue Frau stendur fyrir. Það eru leikkonurnar Alexía Björg Jóhannesdóttir, María Pálsdóttir og Sólveig Guðmundsdóttir sem eru konurnar á bak við Pörupilta. Pörupiltarnir Nonni, Dóri og Hemmi hafa verið að trylla lýðinn í Þjóðleikhúskjallaranum sl. tvö ár með Homo Erectus uppistandi sínu ásamt því að skrifa kvikmyndahandrit og vaska upp svart í frístundum. Þeir stefna á heimsfrægð, enda leika þeir uppistandið á ensku í Finnlandi....