Author: lensherra

Leikfélagið Sýnir ætlar að sýna fjórar aukasýningar á Sjö samúræjum, í Elliðaárdal dagana í lok sumars, nánar til tekið dagana 31. ágúst til 7. september. Hér er um að ræða útileiksýningu, byggða á klassískri kvikmynd Akira Kurosawa, þar sem áhorfendur eru leiddir um Elliðaárdalinn til að fylgja sögunni af hetjunum sjö sem taka að sér að vernda fátæka bændur fyrir ofríki grimmra ræningja. Höfundur leikgerðar og leikstjóri er Guðmundur Erlingsson. Fátækir bændur í ónefndu þorpi hafa lengi þurft að búa við ofríki ræningja sem ræna uppskeru þeirra og konum og brenna þorpið ef þeir eru óánægðir með ránsfenginn. Að...

Uppsprettan er að leita eftir handritum sem aldrei hafa verið flutt á sviði áður. Þau mega vera mest 8 blaðsíður að lengd, eða 8 blaðsíðna heilsteypt atriði. Engar aðrar kröfur eru gerðar. Búið er að mynda nefnd af reyndu leikhúsfólki sem mun lesa handritin og velja svo úr þau þrjú handrit sem þeim þykir best, sem verða þá sett upp af Uppsprettunni á Menningarnótt í Reykjavík þann 24. ágúst næstkomandi. Handritin verða send til þeirra án þess að höfundar verði nafngreindir, en hinsvegar verða höfundar verkanna þriggja, sem valin verða, nafngreindir á sýningarkvöldinu og á fésbókarsíðu Uppsprettunnar. Leikstjórarnir fá...

Borgarleikhúsið hefur hleypt af stokkunum fræðsludeild sem starfar við leikhúsið. Markmið deildarinnar er að opna Borgarleikhúsið enn frekar fyrir ungum leikhúsgestum og að glæða, með auknu framboði á fræðslu, áhuga almennings á leikhúsi og því starfi sem þar fer fram, með sérstakri áherslu á unga áhorfendur. Ástrós Elísdóttir hefur verið ráðin fræðslufulltrúi Borgarleikhússins. Metnaðarfullar leikhúsheimsóknir fyrir 10 ára börnÁr hvert verður öllum börnum í 5. bekkjum grunnskóla Reykjavíkur boðið í heimsókn í Borgarleikhúsið heilan morgun þar sem tækifæri gefst til að skoða leikhúsið, sjá leiksýningu og taka þátt í leiksmiðju. Leiksýningin sem boðið verður upp á næsta vetur er...

Í kvöld, mánudaginn 8. júlí, sýnir Leikfélagið Sýnir síðustu sýningu á leikgerð Guðmundar Erlingsssonar á Sjö samúræjum eftir Akira Kurosawa í Elliðaárdal. Hér er um að ræða útileiksýningu þar sem náttúra Elliðaárdalsins nýtur sín til fulls í bakgrunninum og áhorfendur eru leiddir um dalinn til að fylgja sögunni af hetjunum sjö sem taka að sér að vernda fátæka bændur fyrir ofríki grimmra ræningja. Lagt er af stað frá Félagsheimili Orkuveitunnar. Fátækir bændur í ónefndu þorpi hafa lengi þurft að búa við ofríki ræningja sem ræna uppskeru þeirra og konum og brenna þorpið ef þeir eru óánægðir með ránsfenginn. Að...