Author: lensherra

Borgarleikhúsið hefur hleypt af stokkunum fræðsludeild sem starfar við leikhúsið. Markmið deildarinnar er að opna Borgarleikhúsið enn frekar fyrir ungum leikhúsgestum og að glæða, með auknu framboði á fræðslu, áhuga almennings á leikhúsi og því starfi sem þar fer fram, með sérstakri áherslu á unga áhorfendur. Ástrós Elísdóttir hefur verið ráðin fræðslufulltrúi Borgarleikhússins. Metnaðarfullar leikhúsheimsóknir fyrir 10 ára börnÁr hvert verður öllum börnum í 5. bekkjum grunnskóla Reykjavíkur boðið í heimsókn í Borgarleikhúsið heilan morgun þar sem tækifæri gefst til að skoða leikhúsið, sjá leiksýningu og taka þátt í leiksmiðju. Leiksýningin sem boðið verður upp á næsta vetur er...

Í kvöld, mánudaginn 8. júlí, sýnir Leikfélagið Sýnir síðustu sýningu á leikgerð Guðmundar Erlingsssonar á Sjö samúræjum eftir Akira Kurosawa í Elliðaárdal. Hér er um að ræða útileiksýningu þar sem náttúra Elliðaárdalsins nýtur sín til fulls í bakgrunninum og áhorfendur eru leiddir um dalinn til að fylgja sögunni af hetjunum sjö sem taka að sér að vernda fátæka bændur fyrir ofríki grimmra ræningja. Lagt er af stað frá Félagsheimili Orkuveitunnar. Fátækir bændur í ónefndu þorpi hafa lengi þurft að búa við ofríki ræningja sem ræna uppskeru þeirra og konum og brenna þorpið ef þeir eru óánægðir með ránsfenginn. Að...

Þann 5. nóvember 1993 hópaðist áhugafólk um geimverur og fljúgandi furðuhluti vestur á Snæfellsjökul til að verða vitni að heimsókn úr geimnum, sem sjáendur víðs vegar um heiminn höfðu séð fyrir. Tímasetning heimsóknarinnar var nákvæm. Klukkan 21:07 áttu geimverur að lenda á jöklinum. Íbúar á utanverðu Snæfellsnesi fóru ekki varhluta af þessum einstaka viðburði, og þeirri athygli sem hann vakti í fjölmiðlum, bæði hér heima sem og erlendis. Nú, 20 árum síðar, hafa leikararnir Kári Viðarsson og Víkingur Kristjánsson sökkt sér niður í heimildir og byggt á þeim leiksýninguna 21:07. Þeir fara auk þess með öll hlutverk í verkinu....

Nú standa yfir hjá Norðurbandalaginu sýningar á nýju leikverki sem hlutið hefur nafnið Lúkas. Sýningin er spunasýning unnin af leikhópnum Norðurbandalaginu undir leikstjórn Jóns Gunnars Þórðarsonar. Sýnt er í Rýminu á Akureyri og næstu sýningar verða fimmtudagana 4. og 11. júlí. Verkið samanstendur af ótrúlegum sönnum sögum, sögum um fólk, hefnd og frið, sögur af því hversu orðljótt fólk getur verið á kommentakerfum veraldarvefsins. Þekktasta sagan í verkinu er sagan um hundinn Lúkas sem týndist í kringum bíladaga árið 2007. Fljótlega fóru af stað sögusagnir og orðrómur um afdrif hundsins, hópur drengja átti að hafa troðið honum ofan í...