Author: lensherra

Síðustu sýningar á Sambýlingunum í uppsetningu Halaleikhópsins verða sýndar sunnudagana 2. og 9. mars kl. 17.00. Verkið, sem er senn átakamikið og grátbroslegt, hefur fengið góðar viðtökur svo ekki láta það framhjá þér fara. Leikstjóri og þýðandi er Oddur Bjarni Þorkelsson en verkið er eftir Tom Griffin. Verkið fjallar um fjóra menn sem eru misjafnlega staddir í andlegum þroska og  búa saman í íbúð. Þeir sjá um sig að nokkru leyti sjálfir, en umsjónarmaðurinn Þór lítur til með þeim og sér um að allt gangi vel. Við fáum að fylgjast með þeim tækla hið daglega líf, sem getur reynst...

Stjórn Leikfélags Reykjavíkur, Borgarleikhúsinu, hefur ákveðið að ráða Kristínu Eysteinsdóttur leikstjóra sem næsta leikhússtjóra Borgarleikhússins. Umsóknir um starfið voru á annan tug og eftir vandað ráðningarferli ákvað stjórn LR einróma að ráða Kristínu Eysteinsdóttur sem næsta leikhússtjóra. Kristín Eysteinsdóttir lauk meistaragráðu í leikstjórn frá Goldsmiths University of London árið 2007, en hafði áður lokið BA námi í dramatúrgíu frá Árósarháskóla árið 2002. Kristín hefur verið fastráðinn leikstjóri við Borgarleikhúsið frá árinu 2008 og í stjórnendateymi leikhússins á síðustu misserum.  Hún á að baki margar rómaðar sýningar, þ.á.m. Svar við bréfi Helgu, Fólkið í kjallaranum, Núna!, Dúfurnar, Rústað, Penetreitor og...

Laugardaginn 8. mars frumsýnir Borgarleikhúsið Furðulegt háttalag hunds um nótt á Stóra sviðinu. Verkið hefur slegið rækilega í gegn á West End, var ótvíræður sigurvegari sviðslistaverðlauna Breta, Olivier Awards, á síðasta ári hlaut sýningin alls sjö verðlaun, m.a. sem besta sýningin og besta leikritið. Engin sýning hefur áður hlotið fleiri verðlaun á hátíðinni. Hilmar Jónsson leikstýrir sterkum hópi leikara með Þorvald Davíð Kristjánsson í aðalhlutverki. Finnur Arnar Arnarsson hannar leikmynd, Þórunn María Jónsdóttir búninga og Björn Bergsteinn Guðmundsson lýsingu. Danshöfundur sýningarinnar er Lee Proud og myndband hannar Petr Hloušek en báðir ljáðu Mary Poppins listræna krafta sína á síðasta...