Author: lensherra

Leikfélag Sauðárkróks æfir nú leikritið Rjúkandi ráð eftir Jónas Árnason og Stefán Jónsson með lögum eftir Jón Múla Árnason. Í gamanleiknum, sem stundum hefur verið kallaður smákrimmaóperetta, fáum við að kynnast Stefáni Þ. Jónssyni veitingamanni og lánveitanda, en hann rekur veitingahúsið Stebbakaffi. Hann leggur á ýmis ráð til að græða peninga og verða áhorfendur vitni að fegurðasamkeppni, bruna og tryggingarsvindli. Inní þetta flettast þekktir söngdansar Jóns Múla Árnasonar. 12 leikarar bregða sér í gervi lögregluþjóna, smáglæpona og fegurðadísa en alls koma um 20 manns að uppsetningunni. Leikstjóri er Jóel Sæmundsson. Frumsýnt verður í Bifröst á Sauðárkóki á opnunadegi Sæluvikunnar...

Föstudaginn 11. apríl frumsýnir Common Nonsense, í samstarfi við Borgarleikhúsið, Dagbók Jazzsöngvarans á Nýja sviðinu. Hér er á ferðinni nýtt, íslenskt verk úr smiðju þeirra sem færðu okkur Tengdó, Grímusýningu ársins 2012. Valur Freyr Einarsson er höfundur verksins en leikstjórn er í höndum Jóns Páls Eyjólfssonar. Ilmur Stefánsdóttir hannar leikmynd og búninga og Björn Bergsteinn Guðmundsson lýsingu. Davíð Þór Jónsson er höfundur tónlistar. Leikarar sýningarinnar eru þau Valur Freyr Einarsson, Kristbjörg Kjeld og Grettir Valsson. Ólafur Haraldsson kerfisfræðingur fær óvænt símtal frá náinni vinkonu föður hans sem flytur honum váleg tíðindi. Það opnast fyrir flóðgátt innra með honum, öryggislokinn...

Laugardaginn 12. apríl kl. 14 frumsýnir Borgarleikhúsið verkið Hamlet litla á litla sviðinu þar sem Bergur Þór Ingólfsson leikstýrir þeim Kristínu Þóru Haraldsdóttur, Sigurði Þór Óskarssyni & tónlistarkonunni Kristjönu Stefánsdóttur. Leikhópurinn tekur þessa frægu harmsögu og gerir hana skiljanlega fyrir börn og fullorðna. Sýningin er tilvalin fyrir eldri en 11 ára aldur. Hvernig er að vera eða vera ekki Hamlet litli? Sagan – Þegar Hamlet litli missir föður sinn er hann harmi sleginn og fer að haga sér stórfurðulega. Ekki batnar það þegar mamma hans ætlar örfáum dögum eftir útförina að giftast bróður pabba hans – og bróðirinn hefur...

Litli leikklúbburinn á Ísafirði frumsýnir í Edinborgarhúsinu laugardaginn 12. apríl kl. 20.00 leikrit Jónasar Árnasonar Þið munið hann Jörund.  Leikstjóri er Víkingur Kristjánsson og með honum er 15 manna hópur sem leikur, syngur, dansar og spilar og segir okkur þessa sögu, sem lifað hefur með þjóðinni í meira en 2 aldir. „Sem kóngur ríkti hann meður sóma og sann eitt sumar á landinu bláa“. Það var sumarið 1809. Sveinbjörn Hjálmarsson, eða Simbi í Hafnarbúðinni fer með hlutverk Jörundar. Alls koma 35 manns að þessari sýningu. Setið verður við borð, en ekki verður bar í salnum.  Edinborg Bistró verður með...