Author: lensherra

Ævintýrið um Augastein, hugljúft jólaleikrit fyrir yngstu listunnendurna eftir Felix Bergsson, hefur fengið frábærar viðtökur og hefur Tjarnarbíó bætt við þremur aukasýningum. Leikritið er fyrir foreldra og börn, en kjöraldur er 7-8 ára, en það hentar einnig fyrir 3 ára og upp í 11 ára. Leikritið byggir á hinni sígildu sögu um Grýlu og jólasveinana en ævintýrið er tekið lengra og sagan um litla drenginn, sem nefndur er Augasteinn, verður miðpunktur leikritsins. Augasteinn lendir fyrir tilviljun í höndum hinna hrekkjóttu jólasveina sem læra smám saman að elska litla drenginn og annast hann. Skyndilega kemst Grýla á snoðir um tilveru...

Grímuverðlaunasýningin Leitin að jólunum hefur verið sýnd á aðventunni við miklar vinsældir allt frá því hún var frumsýnd árið 2005. Verkið er nú sýnt ellefta leikárið í röð. Tveir skrýtnir og skemmtilegir náungar taka á móti litlum leikhúsgestum í anddyri Þjóðleikhússins. Með þeim í för eru tveir hljóðfæraleikarar og þessi fjörugi hópur leiðir börnin með leik og söng um leikhúsið. Börnin ferðast inn í ævintýraveröld jólanna og sjá leikþætti um jólin í gamla daga og á okkar tímum. Höfundur verksins, Þorvaldur Þorsteinsson, lést nýlega, langt fyrir aldur fram. Hann var afar fjölhæfur listamaður. Meðal leikrita hans er barnaleikritið Skilaboðaskjóðan...

Grýla er reið. Nei, það er víst ekki alveg rétt því Grýla er brjáluð! Það er búið að bora gat í gegnum heimilið hennar og hún var ekki einu sinni beðin um leyfi. Það er allt á floti í hellinum, heiti potturinn hennar míglekur eftir aðförina og því ekki hægt að búa þar lengur. Ekki einu sinni fyrir tröllskessur. Grýla er heimilislaus. Fótunum hefur verið kippt undan henni. Hún sem hefur vandað sig svo við að viðhalda sínum nýja lífstíl undanfarin ár. Hún er dugleg að mæta í stuðningshópinn sinn ,,Við borðum ekki börn – lengur”, komin með nálgunarbann...

Fjórir flóttamenn segja sína sögu á stóra sviði Borgarleikhússins ásamt þremur fyrirlesurum frá Rauða krossinum og sjálfboðaliðum. Halldóra Geirharðsdóttir og Bergur Þór Ingólfsson halda utan um dagskránna. Dagskráin hefst kl. 13 laugardaginn 5. desember, ókeypis aðgangur og allir velkomnir. Hugmyndin með þessu er fyrst og fremst að opna fyrir samtal og rými þar sem hægt er að tala saman. Yfirskriftin er „Opnum okkur“ og er þetta unnið í samstarfi við Rauða krossinn. Fyrst og fremst á þetta að vera einlæg samverustund. Leikhús gegna mikilvægu hlutverki sem ein helsta og elsta menningarstofnun mannkyns. Það er rannsóknarstöð þar sem maðurinn og...