Author: lensherra

Leikfélag Kópavogs frumsýndi barnaleikritið Rúa og Stúa síðastliðinn vetur í Leikhúsinu í Kópavogi. Vegna Covid þurfti að hætta sýningum í miðju kafi en nú tekur leikfélagið upp þráðinn að nýju og fyrsta sýning verður 2. okt. næstkomandi. Rúi og Stúi hafa smíðað vél sem getur allt. Hún getur búið til hluti, gert við hluti, gert afrit af hlutum og jafnvel gert nákvæma styttu af bæjarstjóranum. Eða hvað? Vélin bilar, bæjarstjórinn hverfur og dularfull kráka og enn dularfyllri stórþjófur koma öllu í uppnám. Hvað er til ráða annað en að baka sjálfur jólaköku? Fær Bergsteinn aðstoðarmaður sinn ástkæra bæjarstjóra aftur?...

Leikfélag Keflavíkur fagnar 60 ára afmæli með 100. leiksýningu félagsins. Í ár fagnar leikfélagið 60 ára afmæli og af því tilefni verður söngleikurinn „Fyrsti kossinn“ frumsýndur í Frumleikhúsinu þann 22. október nk. Sýningin er jafnframt sú 100. í sögu félagsins ef rétt er talið og því ber að fagna eins og segir í fre´ttatilkynningu frá félaginu. Fyrsti kossinn er söngleikur saminn af Brynju Ýr Júlíusdóttur og Guðlaugi Ómari Guðmundssyni sem bæði hafa leikið og setið í stjórn LK í mörg ár. Verkið er að sögn höfundanna samið og sett upp til að heiðra minningu Rúnars heitins Júlíussonar en eins og...

Leikfélag Selfoss boðar til samlestrar á gamanleik sem ætlunin er að setja upp í vetur. Samlesturinn er opin öllum áhugasömum 18 ára og eldri, hvort sem áhuginn liggur á sviði leiklistar eða bak við tjöldin. Að vanda er tekið sérstaklega vel á móti nýju fólki sem hefur áhuga á að bætast í hina sístækkandi leikhúsfjölskyldu félagsins eða vill einfaldlega kynna sér starf leikfélagsins betur. Samlesturinn er í Litla leikhúsinu við Sigtún á Selfossi miðvikudaginn 15. september kl. 20:00. Leikstjóri verður Gunnar Björn Guðmundsson. Gunnar Björn hefur unnið jöfnum höndum í leikhúsi og kvikmyndum síðan 1996. Á þessum árum hefur...

Hinn bráðfjörugi brúðuleikur Kómedíuleikhússins um Bakkabræður er sló í gegn fyrir vestan í sumar heldur nú suður á svið. Bakkabræður hafa komið sér vel fyrir i Gaflaraleikhúsinu í Hafnarfirði og er fyrsta sýning laugardaginn 19. september kl.13.00. Önnur sýning verður daginn eftir kosningar, sunnudaginn 26. september kl.13.00. Miðasla fer fram á tix.is og í Gaflaraleikhúsinu. Bakkabræður er bráðfjörugt brúðuleikrit um hina einu sönnu bræður frá Bakka þá Gísla, Eirík og Helga. Kómedíuleikhúsið hefur fangað fjörið sem fylgir þessum þekktustu klaufabárðum Íslandssögunnar og setur upp sýningu þar sem ævintýri Bakkabræðra eru færð yfir í töfrandi búning brúðuleikhússins. Lögin í sýningunni...

Sigurður Illugason hefur verið valinn Listamaður Norðurþings 2021. Sigurður hefur verið öflugur félagsmaður og virkur leikari í röðum áhugahreyfingarinnar um árabil. Hann hefur tekið þátt í nær hverri einustu uppsetningu Leikfélags Húsavíkur, eins elsta og virtasta áhugaleikfélags landsins, undanfarin 30 ár. Valið á Sigurði sem Listamanni Norðurþings er viðurkenning á mikilvægi áhugahreyfingarinnar í listalífi landsins.  Sigurður hefur einnig getið sér gott orð sem tónlistarmaður og er t.d. annar höfunda baráttusöngs Bandalagsins, Allt fyrir andann. Sjá nánar á vef...