Author: lensherra

Föstudagskvöldið 22.október frumsýndi Leikfélag Keflavíkur söngleikinn „Fyrsti kossinn“ í Frumleikhúsinu. Söngleikurinn er saminn af þeim Brynju Ýr Júlíusdóttur og Guðlaugi Ómari Guðmundssyni sem bæði hafa starfað innan leikfélagsins í mörg ár. Leikstjóri sýningarinnar er Karl Ágúst Úlfsson og danshöfundur Brynhildur Karlsdóttir. Uppselt var á frumsýninguna og óhætt að segja að stemningin hafi verið ótrúleg þar sem fólk ýmist hló og grét á milli þess sem það söng með lögunum. Sýningin er sett upp í tilefni 60 ára afmælis Leikfélags Keflavíkur og til heiðurs keflvíska rokkaranum Rúnari Júlíussyni en öll lögin tengjast ferli þessa einstaka tónlistarmanns með stóra hjartað. Sýningin...

Sundurlimuð lík, smygl og ólöglegir innflytjendur var ekki beint það sem Tom og Linda sáu fyrir sér daginn sem konan frá ættleiðingarstofunni ætlaði að koma til að taka út aðstæður á heimilinu. Dick og Harry, hinir vitgrönnu bræður Tom, sjá hinsvegar til þess að allt fer úrskeiðis sem mögulega getur gert það. Leikfélag Fljótsdalshéraðs frumsýnir vandræðafarsann Tom, Dick og Harry í leikstjórn Ármanns Guðmundssonar að Iðavöllum um helgina. Verkið er eftir þá feðga Ray og Michael Cooney en Cooney eldri hefur verið ókrýndur konungur farsans um margra ára skeið. Níu leikarar taka þátt í sýningunni en mest mæðir á Víði...

Vorið 2019 hélt Freyvangsleikhúsið handritasamkeppni og bárust nokkur handrit í samkepnnina, send til félagsins undir dulnefnum höfunda. Tekin var ákvörðun um að setja á svið verkið Smán og á daginn kom að verkið var eftir Sigríði Láru Sigurjónsdóttur. Fyrirhugað var að setja upp verkið haustið 2020 en ástandið í samfèlaginu gerði það að verkum að ákvðið var að fresta uppsetningu til hausts 2021. Sindri Swan var fenginn til að leikstýra og æfingar hófust í haust. Sindri leikstjóri og höfundurinn, Sigríður Lára hafa síðan unnið saman að því að stílesera og útfæra verkið svo útkoman verði sem glæsilegust. Að verkinu kemur...

Leikfélagið Hugleikur stendur fyrir námskeiði í brelluförðun (special effects) 16. og 17. október. Leiðbeinandi er Ninna Karla Katrínardóttir. Þátttakendur læra að nota latex og vax við sáragerð og aðrar leikhúsbrellur. Þeir læra um bestu aðferðir og val á réttum litum fyrir marbletti, sár, hrukkur og fleira. Vilji þátttakendur fræðast um fleiri atriði í leikhúsförðun gefst færi á umræðum og mögulega sýnikennslu tengt þeim. Ninna Karla Katrínardóttir hefur mikla reynslu af leikhúsförðun og er með diplómu í listförðunarfræði frá MASK, Makeup&Airbrush Academy. Skipulag námskeiðs verður eftirfarandi:- Laugardagur kl. 11-15 – Farið verður í hvernig latex og vax eru notuð. Ninna verður með...

Skemmtileg og fróðleg kynning á starfsemi áhugaleikfélaganna er þessar vikurnar og mánuðina á síðum Bændablaðsins. Óumdeilt er hve áhugaleikfélögin eru mikilvægur hluti af menningarlífi landsmanna ekki síst í hinum dreifðu byggðum. Enda þykir þeim á Bændablaðinu fullt tilefni til að kynna hið frjóa og öfluga starf sem þar fer fram. Bændablaðið hefur löngum verið þekkt fyrir að miðla fróðleik og efni sem oft er afskipt á öðrum fjölmiðlum og bregst ekki bogalistin hér. Blaðinu er dreift ókeypis víða um land en einnig má finna efni þess á vefnum...