Author: lensherra

Söng- og leiklistarskólinn SÖNGLIST og BORGARLEIKHÚSIÐ standa fyrir námskeiðum í leiklist og söng fyrir börn og unglinga í sumar.  SÖNGLIST hefur verið starfandi síðan 1998, þar af þrjú síðustu árin í samstarfi við BORGARLEIKHÚSIÐ, þar sem skólinn er til húsa. Eins og ávallt, munu einungis fagmenntaðir kennarar sjá um kennslu.  Kennd verða undirstöðuatriði í einbeitingu, trausti, raddbeitingu og leikgleði. Unnið er markvisst að því að virkja sköpunarkraft nemenda og efla sjálfstraust. Kennslan í sumar byggist aðallega á leiklistaræfingum, en einnig verður farið yfir undirstöðuatriði í söngtækni og æfð lög. Í lok hvers námskeiðs er sýning á sviði BORGARLEIKHÚSSINS þar sem foreldrum og aðstandendum gefst kostur á að koma og sjá afrakstur námskeiðsins. Hægt er að velja um sex námskeið:   1.      19. júní – 23. júní 2.      26. júní – 30. júní 3.      03. júlí – 07. júlí 4.      10. júlí – 14. júlí 5.      17. júlí – 21. júlí 6.      24. júlí – 28. júlí   Kennsla er frá kl. 10:00-16:00. Aldur þáttakenda er 8-10 ára og 11-13 ára. Skráning fer fram í miðasölu Borgarleikhússins í síma: 568-8000 og á www.borgarleikhus.is   Sönglist. Gleði – uppbygging – fagmennska – framfarir. Sönglist. Bara hollt!...

Miðvikudagskvöldið 7.júní kl. 20:00 verður fyrsti samlestur á leikriti sumarsins hjá Leikfélaginu Sýnum.  Einnig verður upplýst um tilhögun og skipulag. Leikið verður undir berum himni á höfuðborgarsvæðinu og farið í æfingabúðir og leikferð en til að byrja með verður lesið og æft inni við. Sýnir hafa ráðið leikstjórann Guðjón Þorstein Pálmarsson (Denna) sem setti upp Stútungasögu með okkur í Heiðmörk fyrir tveimur árum. Hann ætlar nú að setja upp gamanleikinn Mávinn eftir Anton Tsjekhov. Samlesturinn verður í húsnæði Leikfélags Hafnarfjarðar í gamla Lækjarskóla í Hafnarfirði. Allir eru hvattir til að mæta, gamlir og nýir sem vilja stunda leiklist í...

Vegna forfalla hafa losnað 2 pláss á námskeiði Ágústu Skúladóttur í Leiklistarskóla Bandalags íslenskra leikfélaga að Húsabakka í Svarfaðardal dagana 10. til 18 júní nk. Á námskeiðinu verður unnið markvisst að því að sviðsetja smásögu. Byggt er á aðferðinni „devised theatre“, þ.e. þegar hópurinn vinnur saman á æfingaferlinu að því að sviðsetja og finna leiklausnir fyrir verkið. Þegar unnið er á þennan hátt er hópurinn aðalatriðið, aðalpersónan, og oftar en ekki þurfa allir að vera meira eða minna virkir allan tímann. Samtenging leikara og hlustun þeirra á milli þarf að vera mjög öguð og farið verður í undirstöðuaðferðir til að efla slíka hlustun. Í upphafi verður einnig litið á ólikar leikaðferðir til að segja sömu söguna, t.d. Bouffon, trúðleik eða melodrama. Námskeiðið kostar kr. 45.000 og er ætlað þeim sem hafa einhverja reynslu af leiklist án þess að hafa endilega sótt undirbúningsnámskeið. Ágústa Skúladóttir lærði leiklist hjá Monicu Pagneux í Paris og Philippe Gauliere í London. Einnig tók hún Mastersnámskeið hjá Theatre de Complicite, John Wright, David Glass, Bruce Meyers og Trestle Theatre Company. Hún starfaði í nokkur ár í London sem leikkona og uppistandari og er einn af stofnendum leikhópsins Icelandic Take Away Theatre og hefur unnið að 10 sýningum félagsins sem leikari, höfundur eða leikstjóri. Ágústa er um þessar mundir fastráðin leikstjóri hjá Þjóðleikhúsinu og leikstýrði þar m.a. Klaufum og kóngsdætrum sem fékk Grímuna sem besta barnasýningin...

Leikfélagið Sýnir auglýsir fund um sumarstarfið. Fundur verður haldinn á morgun, laugardaginn 3. júní, kl. 17:30 í Leikfélaginu Sýnum (eða Sýni) Umræðuefni fundarins er sumarstarfið. Allir sem hafa áhuga á að starfa með í sumar eru hvattir til þess að mæta en einnig þeir sem luma á hugmyndum þó að þeir geti ekki starfað með á fullu.  Fundurinn verður haldinn í húsnæði Leikfélags Hafnfirðinga í gamla Lækjarskólanum. Nánari upplýsingar í síma...