Author: lensherra

Keppni í leikhússporti á milli Leikfélags Reykjavíkur og Leikfélags Akureyar fer fram fimmtudaginn 25.maí (Uppstigningardag). Keppnin hefst klukkan 22:30 á Litla sviðinu.   Keppendur eru: Bergur Þór Ingólfsson, Friðrik Friðriksson, Gunnar Hansson og Hildigunnur Þráinsdóttir sem keppa fyrir hönd Leikfélags Reykjavíkur og Álfrún Örnólfsdóttir, Esther Talia Casey, Guðjón Davíð Karlsson, Jóhannes Haukur Jóhannesson og Maríanna Clara Luthersdóttir sem keppa fyrir hönd Leikfélags Akureyrar.   Kynnar: Edda Björg Eyjólfsdóttir og Árni Pétur Guðjónsson. Stigavörður: Aðalheiður Árnadóttir. Dómnefnd: Gísli Marteinn Baldursson, Ugla Egilsdóttir og Dofri Hermannsson sem nú eru öll í framboði vegna borgarstjórnarkosninganna á laugardaginn.   Öllum verður boðið uppá banana í boði BananaGroup sem einnig gefur glæsilegan farandbikar í verðlaun. Ef þér finnst gaman að hlægja skaltu ekki láta þig vanta á þennan einstaka viðburð í Borgarleikhúsinu þar sem rjómi gamanleikara LR og LA fara á kostum.   Aðeins þetta eina skipti. Miðaverð...

Skagaleikflokkurinn sýnir nýtt verk „Hlutskipti“ eftir Kristján Kristjánsson á kosningadaginn þann 27. maí í Bæjarleikhúsi þeirra Mosfellinga. Sýningin verður kl. 19.00. Verkið er í leikstjórn Ingu Bjarnason.og var frumsýnt þann 28. apríl sl. á Akranesi. „Hlutskipti“ er þriðja verkið sem Kristján skrifar fyrir Skagaleikflokkinn, hin eru „Alltaf má fá annað skip“ og „Lifðu- yfir dauðans haf“ (munið eftir sundlauginni á Akureyri 2000). „Hlutskipti“ er fjölskyldusaga en gerist á einum degi, afmælisdegi föðurins, sem fallinn er frá fyrir fjórum árum. Fjögur systkini koma saman til að skipta búi móður sinnar sem þjáist af heilabilun og dvelur á hjúkrunarheimili. Farið er reglulega aftur í tímann fyrir tilstilli yngstu dótturinnar og áhorfandinn fær innsýn í líf fjölskyldunnar. Skessuhorn, 3. maí 2006, Anna Lára Steindal: Leikstjórinn hefur greinilega unnið vel með sínu fólki því bæði skiluðu leikararnir textanum sínum á mjög sannfærandi hátt og hreyfingar þeirra og látbragð allt gerði það að verkum að sýningin í heild var mjög lifandi og trúverðug. Þrátt fyrir að umfjöllunarefnið sé alvarlegt er sýningin stórskemmtileg og mörg tilefni gefast til þess að hlæja hjartanlega. Fréttavefur Þjóðleikhússins, 7. maí 2006: Auk verðlaunasýningarinnar hlutu nokkrar sýningar sérstaka viðurkenningu dómnefndar: Skagaleikflokkurinn sýndi okkur nýtt og afar metnaðarfullt fjölskyldudrama eftir Kristján Kristjánsson í splunkunýju leikrými á Akranesi. Athyglisverð úrvinnsla í handriti gaf leikhópi og leikstjóra tækifæri til að skapa eftirminnilega sögu á sviðinu. Þar átti Guðbjörg Árnadóttir í hlutverki móðurinnar stórleik....

Dómnefnd Þjóðleikhússins hefur nú valið athyglisverðustu áhugaleiksýningu leikársins 2005-2006 og varð sýning Leikfélags Selfoss, Þuríður og Kambsránið, fyrir valinu. Þuríður og Kambsránið verður sýnd í Kassanum föstudagskvöldið 2. júní kl. 20:00. Tíu leikfélög sóttu um að koma til greina við valið með alls tólf sýningar. Dómnefnd hafði mikla ánægju af að sjá allar þessar sýningar og verða vitni að því kraftmikla og mikilvæga starfi sem áhugaleikfélögin standa fyrir um land allt. Handrit Þuríðar og Kambsránsins er skrifað af Sigurgeiri Hilmari Friðþjófssyni og leikstýrt af Jóni Stefáni Kristjánssyni. Umsögn dómnefndar um sýninguna er svohljóðandi: Athyglisverðasta áhugaleiksýning leikársins 2005-2006 er sýning Leikfélags Selfoss á Þuríði og Kambsráninu eftir Sigurgeir Hilmar Friðþjófsson. Leikritið er byggt á sögulegu efni úr byggðalagi Árnesinga, ráninu að Kambi í Flóa 9. febrúar 1827. Höfundurinn studdist í skrifum sínum  við verk sem stundum hefur verið kallað Yngsta Íslendingasagan en það er Sagan af Þuríði formanni og Kambránsönnum eftir Brynjólf Jónsson fræðimann frá Minna Núpi. Í þessari sögu er sagt frá einni fyrstu alvöru lögreglurannsókn Íslendinga og formaðurinn Þuríður, sem reyndar er einn aðalheimildamaður Brynjúlfs, hefur verið talinn fyrsti íslenski leynilögreglumaðurinn. Þuríður var eina konan sem var formaður á sjó á þessum tíma og reri með menn sína til fiskjar frá Stokkseyri. Þar stendur verbúð hennar, Þuríðarbúð til minningar um sjósókn hennar. Öll sviðsetning verksins er mikið leikhús, þar sem sviðsrými, leikmynd og ljós eru nýtt á hugkvæman...

Í ár eru liðin 50 ár frá því stjórnmálasamband var tekið upp á milli Japans og Íslands. Af því tilefni verða fjórar japanskar gestasýningar í Þjóðleikhúsinu, tvær í vor og tvær í haust.  Fyrsta sýningin verður danssýningin Genji í Kassanum 7. og 8. júní nk. en 25. júní er röðin komin að sýningu ACO Okinawa – Undir sjöstjörnu sem sýnd verður á Stóra sviðinu. Genji er nútímadansverk sem tengir saman ólík og sígild listform frá Japan, m.a. Noh-formið. Verkið byggir á kafla úr Genji Monogatari, þekktri sígildri japanskri skáldsögu frá 11. öld. Sagan segir frá lífi aðalsmannsins Hikaru Genji. Aoi no ue, eiginkona Hikaru Genji, þjáist af dulinni en heiftarlegri afbrýði í garð ástkonu eiginmanns síns. Afbrýðisemin heltekur líkama Aoi no ue með afar neikvæðum afleiðingum. Noh er sígilt japanskt sýningarform sem sameinar dans-, leik-, tón- og ljóðlist í eina listgrein. Fjarri tíma og rúmi, býður tómt Noh-sviðið gestum inn í heim ástríðna sem eru tjáðar með nútíma danshreyfingum. Shomyo, búddísk bæn, og Gagaku, forn japönsk hirðtónlist (hvor tveggja frá 9. öld) umlykur þessa tímalausu veröld. Ryohei Kondo og Sengiku Bando dansa í sýningunni og eru danshöfundar en Sengiku er jafnframt leikstjóri. Tvær sýningar verða í Kassanum í Þjóðleikhúsinu, dagana 7. og 8. júní nk. 25. júní nk. mun ACO Okinawa flytja íslenskum áhorfendum menningararfleifð frá Okinawa í sýningu sem er innblásin af frumkvöðlum þeirra á sviði ferðalaga og...