Author: lensherra

Þjóðleikhúsið frumsýnir Patrek 1,5 eftir Michael Druker í Fjölbrautaskóla Suðurlands á Selfossi þriðjudaginn 10. október kl. 13.00. Þetta er hvorki hefðbundinn staður né stund fyrir frumsýningu á vegum Þjóðleikhússins en ástæðan er sú að hér er um að ræða leikrit sem er einkum ætlað ungu fólki og markar sýningin upphaf leikferðar Patreks 1,5 um landið þar sem sýnt verður í framhaldsskólum. Sýningin verður einnig á fjölum Smíðaverkstæðis Þjóðleikhússins í nóvember. Patrekur 1,5 fjallar um tvo karlmenn sem búa saman. Þá dreymir um að verða foreldrar, að ala upp barn saman. Eftir mikla baráttu fá þeir óskina uppfyllta og litli...

Leikfélag Patreksfjarðar hefur nú vaknað af nokkurra ára dvala og hafið starfsemi aftur af fullum krafti. Nú um helgina frumsýnir það sitt þrítugasta leikrit, en félagið var stofnaði 13. maí 1967 og á því fertugsafmæli í vor. Verkið sem sýnt verður að þessu sinni er Lína Langsokkur eftir Astrid Lindgren í leikstjórn Elvars Loga Hannessonar leikara, leikstjóra og bæjarlistamanns Ísafjarðarbæjar. Frumsýning verður laugardaginn 30. september kl. 14:00 í Skjaldborgarbíói. Um 30 manns vinna að uppsetningu verksins, bæði börn og fullorðnir. Miðapantanir í síma 866-6822 Meðfylgjandi mynd af hinni patreksfirsku Línu tók Halldór...

Í fyrravetur gekk Hugleikur til samstarfs við Þjóðleikhúskjallarann og sýndi þar sjö sýningar undir nafninu Þetta mánaðarlega. Þar var um að ræða einþáttungasýningar, eitt klukkutímalangt óperuþykkni, eina klukkutíma leiksýningu, auk þess sem margar sýninganna voru kryddaðar með tónlist af ýmsu tagi. Verkefninu lauk síðan í maí með tónlistardagskrá þar sem rifjuð var upp tónlist úr ýmsum verkum Hugleiks. Ákveðið hefur verið að endurtaka leikinn með fimm til sex dagskrám í vetur. Höfundahópi Hugleiks hefur vaxið fiskur um hrygg að undanförnu. Einn af vaxtarbroddum félagsins hefur verið ritun stuttverka. Uppsetningar stuttverka er leikhúsform sem meira hefur farið fyrir hjá áhugaleikfélögum...

Leikfélag Sauðárkróks hefur hafið æfingar á söngleiknum um hinn eina sanna spýtustrák Gosa.  Leikverkið er eftir Brynju Benediktsdóttur með söngvum eftir Þórarinn Eldjárn við tónlist Sigurðar Rúnars Jónssonar.  Leikstjórn er í öruggum höndum Þrastar Guðbjartssonar, en leikendur og aðrir aðstandendur sýningarinnar eru ungir og gamlir, reyndir og óreyndir, af ýmsum ættum og úr mörgum héruðum. Frumsýnt verður laugardaginn 21. október 2006 í félagsheimilinu Bifröst, nánar auglýst...

Föstudaginn 29. september n.k. frumsýnir Þjóðleikhúsið Sitji guðs englar eftir Guðrúnu Helgadóttur í leikgerð Illuga Jökulssonar og leikstjórn Sigurðar Sigurjónssonar. Leikgerðin er byggð á þremur bókum Guðrúnar, Sitji guðs englar, Saman í hring og Sænginni yfir minni. Leikritið gerist í íslensku sjávarþorpi í síðari heimsstyrjöldinni og miðpunkturinn er barnmörg stórfjölskylda. Gegnum litríkt líf hennar kynnast áhorfendur tíðaranda stríðsáranna, átakanlegum atburðum og skrautlegum uppákomum. Þetta er leiksýning fyrir alla fjölskylduna sem vekur upp áleitnar spurningar um tengsl fortíðar og nútíðar. Verk Guðrúnar Helgadóttur eru þjóðinni hjartfólgin og bækur hennar hafa verið lesnar upp til agna af mörgum kynslóðum. Hún er...