lensherra | Leiklistarvefurinn

Aukasýning á Jólaperu

Posted by lensherra | Dec 8, 2006 | Fréttir |

Þar sem uppselt er á Jólaperu helgileikinn um Jósef frá Nasaret sunnudaginn 10. desember kl. 18.00 hefur verið ákveðið að hafa aukasýningu sama dag kl. 20.00. Enn eru nokkrir miðar lausir á sýninguna 17. desember kl. 18.00. Söngleikurinn var frumsýndur fyrir fullu húsi fyrsta sunnudag í aðventu á efri hæð Grand Rokk við Smiðjustíg. Viðfangsefnið er hin helga nótt en hér fáum við að sjá hvernig öll sú uppákoma kemur Jósef fyrir sjónir. Hann er bara venjulegur maður, útkeyrður af vinnu og þetta er óttalegt vesen allt saman með ferðalagið, ófrísku konuna, vandræðin með gistingu og svo allt...

Alþjóðleg sviðslistasmiðja í Lettlandi

Posted by lensherra | Dec 8, 2006 | Markvert |

Alþjóðlegi háskólinn Global Theatre Experience (IUGTE) heldur sviðslistasmiðju undir stjórn Sergey Ostrenko í Riga í Lettlandi dagana 30. mars til 4. apríl í vor. Aðeins eru örfá pláss í boði og munu námskeiðshaldarar velja úr umsækjendum þá sem þeim þykir henta. Ítarleg ferilskrá þarf að fylgja umsóknum. Smiðjan er opin leikstjórum, leikskáldum, leikurum, dönsurum, danshöfundum, leiklistarkennurum, og öllu leikhúsfólki í leit að nýrri sýn á starf sitt. Í kynningu námskeiðsins segir: Smiðjan veitir dásamlegt tækifæri til að byggja upp samskipti við samstarfsmenn annars staðar úr heiminum og deila reynslu, áskorunum og velgengni í andrúmslofti sköpunar, óháð daglegum störfum þátttakenda...

Jólabónus Hugleiks kemur manni í jólastuð

Posted by lensherra | Dec 8, 2006 | Gagnrýnandinn |

Nú glymja í eyrum alla daga jólapopplögin sívinsælu og þótt maður reyni að flýja þau þá smjúga þau allstaðar. Sama hvaða tökkum er snúið á radíóinu eða sjónvarpskassanum þá er mamma allstaðar að kyssa jólasvein. Þessvegna var það afar hressandi að skreppa í Jólabónus hjá Hugleik og hlusta á öll ójólalögin eða andjólalögin eða hvað má kalla þau. Hugleikur býður nú sinn venjulega mánaðarskammt af leikrænu efni en nú með jólaívafi og vænum skammti af tónlist. Það má eiginlega segja að tónlistin hafi tekið völdin í þessum mánaðarskammti Hugleiks. Eiginlega svo mikið að hún bar eiginlega ofurliði leikþætti kvöldsins...

Varaðu þig á vatninu Jólasýning

Posted by lensherra | Dec 7, 2006 | Fréttir |

Laugardaginn 9. desember sýnir Leikfélag Mosfellssveitar jólasýningu á verkinu Varaðu þig á vatninu eftir Woody Allen í leikstjórn Guðjóns Þorsteins Pálmarssonar. Miðaverð verður aðeins kr. 1.200 á þessa sýningu og boðið verður upp á jólaglögg og piparkökur í hléi. Einnig munu þrír heppnir leikhúsgestir hafa með sér jólatré heim. Leikritið gerist á tímum kalda stríðsins og fjallar um bandaríska fjölskyldu sem leitar skjóls í bandaríska sendiráðinu í Vúlgaríu eftir að hafa tekið þar ljósmyndir á bannsvæði. Óvæntir atburðir setja svip sinn á leikritið og útlit er fyrir að það eigi eftir að reynast fjölskyldunni erfitt að komast aftur til...

Barnaleikhúshátíð í anda Astrid Lindgren

Posted by lensherra | Dec 6, 2006 | Markvert |

Nordisk amatörteaterraad (NAR) Sveriges Amatörteaterraad og Vimmerby-bær bjóða barnaleikhúshópum (leikendum á aldrinum 9 til 14 ára) frá Norðurlöndunum og baltnesku löndunum á SPUNK-hátíðina í Vimmerby 18. – 24. júní 2007. Hátíðin er hluti af hundrað ára afmælishátíð Astrid Lindgren. Þau lönd sem boðið er að taka þáttí hátíðinni eru hópar frá aðildarlöndum NAR og baltnesku löndunum. Hópum er boðið frá Danmörku, Eistlandi, Færeyjum, Grænlandi, Íslandi, Álandseyjum, Lettlandi, Litháen og Noregi, einum fré hverju landi, einum finnskumælandi og einum sænskumælandi frá Finnlandi og tveimur hópum frá Svíðþjóð. Hér með er auglýst eftir íslenskum hópi á hátíðina! Hátíðin hefst um kvöldið...