Author: lensherra

Síðasta sýning Leikfélags Ölfussí Þorlákshöfn á Einn koss enn og ég segi ekki orð við Jónatan verður fimmtudagskvöldið 17. maí í Versölum. Sýningarnar hefjast klukkan 21.00. Hægt verður að panta léttan leikhúsmat í Ráðhúskaffi á undan sýningunum. Pantanir á mat og sýningu í síma 483-1700. Einnig hægt að hringja í síma 661-0501 til að panta á sýningu eingöngu. Leikritið fjallar um kvennamanninn Jónatan sem heldur við þrjár flugfreyjur sem vinna eftir föstum áætlunum sem ekki skarast. Þegar nýjar hljóðfráar þotur eru teknar í notkun fer skipulagið í vaskinn og leikurinn að æsast. Leikstjóri verksins er Hörður Sigurðarson. Sex leikarar...

Kómedíuleikhúsinu á Ísafirði hefur verið boðið á einleikjahátíðina Albamono í Albaníu með leikinnn Gísli Súrsson. Um er að ræða alþjóðlega leiklistarhátíð sem fer fram dagana 21. – 25. maí næstkomandi. Albamono er haldin í Korce í Albaníu og er þetta í annað sinn sem hátíðin er haldin og verður Gísli Súrsson sýndur á íslensku. Þetta er í þriðja sinn sem Kómedíuleikhúsið sýnir Gísla Súrsson erlendis. Haustið 2006 var leikurinn sýndur á leiklistarhátíðinni Integra í Hannover þar sem Gísli vann til verðlauna. Fyrir skömmu var Gísli síðan á ferðinni í Lúxembúrg þar sem hann var bæði leikinn á ensku og...

Næstkomandi þriðjudag, 15. maí verður síðasta vinnusmiðja fræðsludeildar Þjóðleikhússins og FLÍSS – Félags um leiklist í skólastarfi í vetur. Að þessu sinni kynnumst við aðferðum þátttökuleikhúss (Forum theatre). Þessar aðferðir hafa lengi verið vinsælar meðal leiklistarkennara, enda bjóða þær upp á frábæra leið til þess að takast á við erfið viðfangsefni með nemendum auk þess að vera gott þjálfunartæki í leiklist. Leiðbeinandi í vinnusmiðjunni verður Susanne Braad Andersen sem vinnur í Aalborg kommunale skolevæsen. Susanne hefur verið með leiksmiðjur víðs vegar um Norðurlönd og er í hópi leiðandi leiklistarkennara í heimalandi sínu. Á þriðjudagskvöldið mun hún taka fyrir verkefni um...

Í vor mun Vatnadansmeyjafélagið Hrafnhildur leiða sýningu um borð í elsta skipi Landhelgisgæslunnar. Varðskipið Óðinn fær þá nýtt yfirbragð, þar sem ímyndunaraflið fær að flæða um króka og kima. Skipið er míkrókosmos. Sér heimur. Áhorfendur ferðast utan frá og inn; ofan frá og niður. Með því að stíga um borð er komið inn í nýjan heim í tíma og rúmi. Í sýningunni er brugðið upp táknmyndum af konunni gegnum árþúsundir, saga hennar og samhengi viðrað á nýstárlegan hátt. Saumuð verða hjartasár, keppir fylltir, málshættir bróderaðir. Hugurinn baðaður í jellýi, hunangi, royal-búðingi og majónesi. Uppákomur í bland við innsetningar, tónlist...

Sýning Leikfélags Fljótsdalshéraðs, Listin að lifa, eftir Sigríði Láru Sigurjónsdóttur í leikstjórn Odds Bjarna Þorkelssonar var valin athyglisverðasta áhugasýning leikársins sem brátt er á enda. Samkvæmt venju er aðstandendum boðið að sýna verkið í Þjóðleikhúsinu og verður sýnt í Kúlunni 7. júní næstkomandi kl. 20.00. Gert er ráð fyrir aukasýningu þann 8. ef það verður uppselt. Miðapantanir eru hafnar hér. Verkið var skrifað fyrir félagið og sett upp í tilefni að 40 ára afmæli þess, sem var í ágúst síðastlðnum. Það var frumsýnt í nóvember, en sýnt var í félagsheimilinu á Iðavöllum. Í umsögn dómnefndar um sýninguna segir meðal...