Author: lensherra

Vegna fjölda áskorana verður efnt til aukasýninga milli jóla og nýárs á leikritinu Óhapp! eftir Bjarna Jónsson. Leikritið var fyrsta verkefni leikárs Þjóðleikhússins í haust og fékk afbragðs góða dóma og góðar viðtökur hjá áhorfendum. Verkið tekur á íslenskum veruleika með nýstárlegum hætti en viðfangsefni þess er sjónvarps- og fjölskylduumhverfi nútíma Íslendinga. Margir hafa líkt verkinu við Stundarfrið, leikrit Guðmundar Steinssonar sem þótti á sínum tíma ná á einstaklega glöggan og frumlegan hátt að tjá ástand íslensku þjóðarinnar.   Í verkinu er litið inn til ungra hjóna sem eru að gera upp glæsilega íbúð, en samtímis að takast á...

Vegna góðrar aðsóknar verður haldin aukasýning á leikritinu Tröllaperu á Grand Rokk á fimmtudaginn klukkan 21. Sýningin hefur hlotið mjög góðar viðtökur og þykir bregða skemmtilegu ljósi á hina íslensku jólasveina og fjölskyldu þeirra. Sótt er í íslenska sagnahefð í leikritinu, en þar segir frá matarboði á heimili Grýlu og Leppalúða kvöldið áður en fyrsti jólasveinninn fer til byggða. Heimilið er kannski ekki eins og menn eiga að venjast, á um margt meira skylt við lágmenningu þá er kennd hefur verið við „white-trash" en íslenska sauðskinnsskó og vaðmálsstakka. Höfundur er Jón Benjamín Einarsson og höfundur sönglaga er Bjögúlfur Egilsson....

Stoppleikhópurinn hefur hafið sýningar á jólaleikritinu Jólin hennar Jóru eftir Eggert Kaaber og Katrínu Þorkelsdóttur. Verkið var frumsýnt í desember í fyrra við miklar vinsældir en sýningar urðu þá 25. Jólaævintýrið Jólin hennar Jóru er unnið undir áhrifum fra þjóðsögunum. Þar segir frá Jóru litlu en hún er tröllastelpa sem býr í fjöllunum. Einn daginn stelur hún jólakíkinum hans Skrepps sem er aðstoðarmaður jólasveinanna. Allt er í pati því án kíkisins góða geta þeir ekki vitað hvort börnin séu þæg og góð til að fá í skóinn. Fer Skreppur því af stað til að hafa upp á kíkinum en...

Leikurum í ævintýrasöngleiknum Skilaboðaskjóðunni hefur bæst liðsauki en hæfileikapilturinn Árni Beinteinn Árnason mun framvegis leika hlutverk Putta litla á móti öðrum ungum leikara, Hrafni Bogdan Haraldssyni, sem hefur staðið sig frábærlega í sýningum vetrarins. Söngleikurinn Skilaboðaskjóðan eftir Þorvald Þorsteinsson og Jóhann G. Jóhannsson var frumsýndur í leikstjórn Gunnars Helgasonar í byrjun nóvember og hefur slegið í gegn hjá áhorfendum á öllum aldri. Vegna glimrandi aðsóknar var bætt við nokkrum aukasýningum og því hefur verið töluvert álag á leikarana. Það er því fengur að komu Árna Beinteins í hópinn. Árni Beinteinn hefur mikla sviðsreynslu þrátt fyrir ungan aldur. Hann lék...

Uppselt er á aðventuleikritið Leitina að jólunum í Þjóðleikhúsinu en sýningar þess eru að verða fastur liður í jólaundirbúningi margra. Þetta er í þriðja sinn sem verkið er sett upp í Þjóðleikhúsinu en það hefur notið mikilla vinsælda og hlaut meðal annars Grímuverðlaunin sem barnasýning ársins 2006. Sýningar á Leitinni að jólunum tóku við af sýningum á barnaleikritinu Gott kvöld í Kúlunni en sýningar þær hefjast að nýju milli jóla og nýárs og verða áfram um helgar eftir áramót. Sérstakar jólasýningar verða á leikritinu Gott kvöld þann 30. desember nk. Yngstu áhorfendurnir geta því fundið eitthvað fjörugt og skemmtilegt...