Author: lensherra

Vegna lítillar þátttöku fellur einþáttungahátíðin niður sem við ætluðum að halda í tengslum við aðalfund Bandalags íslenskra leikfélaga helgina 1.-4. maí. Þátttaka í aðalfundi er lítil og því var nauðsynlegt að leita nýrra samninga við staðarhaldara hjá Félagsheimilinu Árgarði og gistiheimilinu að Bakkaflöt. Það er komin ný dagskrá og miðast hún við tvær gistinætur og fæði laugardag og sunnudag (til og með hádegis). Koma á föstudagskvöldið er frjáls en við búumst við að fólk mæti í Bifröst á sýninguna Viltu finna milljón? hjá Leikfélagi Sauðárkróks kl. 20.30 og komi að Bakkaflöt þegar henni lýkur eða um kvöldið eftir hentugleikum...

Hugleikur verður með aukasýningu á leikritinu 39½ viku eftir Hrefnu Friðriksdóttur föstudaginn 25. apríl í Möguleikhúsinu við Hlemm vegna góðrar aðsóknar. Lokasýning var sl. miðvikudag og var þá sýnt fyrir troðfullu húsi. Leikstjórar 39½ viku eru Ásta Gísladóttir, Júlía Hannam og Sigurður H. Pálsson. 39½ vika er farsakenndur gamanleikur sem snýst að verulegu leyti um barneignir og sauðfjárrækt. Sveitapilturinn Valur fær afnot af skrifstofu frænku sinnar, sem starfar sem félagsráðgjafi á kvennadeild sjúkrahúss. Valur er að leggja lokahönd á lokaritgerð sína um ættir og örlög skagfirsku sauðkindarinnar. Vera hans á skrifstofunni leiðir til hvers konar misskilnings, eins og vera...

Mánudaginn 21. apríl kl. 20 munu Leiklistarsamband Íslands og Leiklistardeild Listaháskóla Íslands standa fyrir fyrirlestri um stöðu höfundar í nútímaleikhúsi á Kaffi Sólon, Bankastræti 7a, 2. hæð. Fyrirlesarar eru Charlotte Böving, leiklistarkona og Jón Atli Jónasson, leikskáld. Höfundurinn er flókið fyrirbæri þegar kemur að leikhúsi. Leikskáldið sat lengi vel eitt að þeim heiðri að teljast höfundur sviðsins og í enn dag kynna leikhúsin verkefni undir heiti leikskáldsins. Á tuttugustu öld óx hins vegar leikstjóranum fiskur um hrygg og gerði harða atlögu að veldissprota leikskáldsins. Á undanförnum áratugum hafa síðan margir leikhúslistamenn og -hópar farið þá leið að útiloka leikskáldið...

Leikfélag Hornafjarðar í samvinnu við FAS sýnir nú Söngleikinn Rocky Horror í leikstjórn Jóns Inga Hákonarsonar. Frumsýnt var þann 10. apríl og fara sýningar fram í Mánagarði. Kór- og tónlistarstjóri er Anna Lilja Karlsdóttir. Þessi frægi söngleikur Richards O'Briens nýtur gífurlegra vinsælda hér á landi og er í uppsetningunni lögð áhersla kraftmikinn og líflegan flutning. Með aðalhlutverk fara Emil Örn Moravek sem Frank'N'Furter, Þórður Ingvarsson sem Riff Raff, Nanna Halldóra Imsland sem Janet, Elvar Bragi Kristjónsson sem Brad, Hafdís Hauksdóttir sem Magenta, Sólveig Morávek sem Columbia, Júlíus Sigfússon sem Eddie, Anna Lilja Karlsdóttir sem Dr. Scott, Steindór Sigurjónsson sem...

Leikdeild ungmennafélagsins Eflingar í samstarfi við framhaldsskólann á Laugum frumsýndi þann 5. apríl sl. leikritið Þar sem djöflaeyjan rís í leikgerð Kjartans Ragnarssonar í gær. Sýnt í félagsheimilinu Breiðumýri sem er í nágrenni við Lauga í Reykjadal. Leikstjóri er Hörður Benónýsson og tónlistarstjóri Pétur Ingólfsson. Um ljósin sér Jón Arnkelsson og er Elín Kjartansdóttir búningahönnuður sýningarinnar. Verkið fjallar um lífið í braggahverfunum í Reykjavík á umrótartímum fyrstu áranna eftir seinna stríð og fjallar um gleði, átök og sorgir fjölskyldunnar í “Gamla húsinu” sem stendur eitt og sér innan um braggana. Eiga sumar persónur skáldsögunnar sér stoð í raunveruleikanum. Höfundur...