Author: lensherra

Það verður mikið um dýrðir í Borgarleikhúsinu á komandi leikári en fyrsta leikár nýs leikhússtjóra, Magnúsar Geirs Þórðarsonar, var kynnt starfsfólki í gær. Óhætt er að segja að fjölbreytnin sé mikil en verkin eru ólík innbyrðis, ný íslensk leikrit eru áberandi í bland við erlend gæðaverk, ný og eldri. Mörg verk höfða til allrar fjölskyldunnar, hómor og tónlist fá sinn sess en einnig eru áræðnar og krefjandi sýningar á boðstólum. Á Stóra sviði verður m.a. boðið upp á Fólkið í blokkinni, nýjan söngleik Ólafs Hauks Símonarsonar og Söngvaseið. Á meðal verkefna á Nýja sviði sem er vettvangur ögrandi verkefna...

Íslenskt dansverk verður frumflutt fimmtudaginn 21. ágúst kl. 18:00 í Smiðjunni Sölvhólsgötu 13. Það er Hreyfiþróunarsamsteypan sem er þar á ferð og lýsir verkinu á eftirfarandi hátt: „Dansverk sem horfist í augu við einveruna í margvíslegum myndum. Hvernig á að teygja sig út til fólks án þess að missa jafnvægið? Getum við haldið partíinu gangandi eða er kominn tími til að fara heim?“ Hugmyndin að verkinu kviknaði fyrir tveimur árum þegar samsteypan var beðinn um að vinna verk fyrir Afmælishátíð dansleikhús með Ekka uppúr handriti „Eva3“. Síðan þá hefur hugmyndin tekið stakkaskiptum og orðið að sjálfstæðri sýningu. Þetta er...

Leikhópurinn Lotta hefur í sumar sýnt útileiksýninguna Galdrakarlinn í Oz um allt land en nú líður að síðustu sýningum sumarsins. Næstu sýningar verða á Selfossi, Elliðaárdal og í Grindavík núna í vikunni. Síðasta sýningin í Elliðaárdalnum verður síðan miðvikudaginn 27. ágúst. Galdrakarlinn í Oz verður sýndur á eftirtöldum stöðum það sem eftir lifir ágústs: 19. ágúst, þriðjudagur, klukkan 18:00 á Selfossi, við Gesthús 20. ágúst, miðvikudagur, klukkan 18:00 Elliðaárdalurinn í Reykjavík 21. ágúst, fimmtudagur, klukkan 18:00 í Grindavík á túninu hjá Landsbankanum. 24. ágúst, sunnudagur, klukkan 13:00 á Hellu og klukkan 16:00 á Hvollsvelli 27. ágúst, miðvikudagur, klukkan 18:00 Elliðaárdalurinn í...

Nú stendur yfir í Riga, höfuðborg Lettlands, leiklistarhátíð NEATA eða Norður-Evópska leiklistarsambandsins. Fulltrúi Íslands á hátíðinni er sýningin Bingó eftir Hrefnu Friðriksdóttur sem Hugleikur og Leikfélag Kópavogs sýna í leikstjórn Ágústu Skúladóttur. Bingó verður sýnt á morgun, föstudaginn 8. ágúst. Auk íslensku sýningarinnar eru í ár eftirtaldar sýningar á hátíðinni: Who pulled the leg of Teddy bear off? eftir Hermanis Paukšs – Jurmala leikhúsið frá Lettlandi The coobler and the devil eftir Anton Chekhov – Birstonas Culture Centre leikhópurinn frá Litháen Beyond the sea eftir Juri Tuulik – Randlane leikhópurinn frá Haapsalu í Eistlandi Some explicit polaroids eftir Mark...