Author: lensherra

Leikfélag Kópavogs frumsýnir barnaleikritið Rúa og Stúa fimmtudaginn 30.apríl kl. 18.00 í Leikhúsinu við Funalind. Rúi og Stúi eru sérkennilegir uppfinningamenn sem hafa fundið upp vél sem getur búið til eða lagað hvað sem er.Bæjarbúar eru afar ánægðir með vélina eins og gefur að skilja en blikur eru á lofti þegar vélin bilar og bæjarstjórinn hverfur. Samtímis fer skuggalegur karakter á kreik í bænum og undarlegustu hlutir fara að hverfa úr fórum bæjarbúa. Sex leikarar taka þátt í sýningunni sem er í leikstjórn Harðar Sigurðarsonar. Aðstoðarleikstjóri og allsherjarreddari er Sigrún Tryggvadóttir, Bergrún Íris Sævarsdóttir sér um leikmynd og lýsingu...

Í kvöld, föstudaginn 24. apríl verður haldin höfundasmiðja hjá Leikfélagi Hafnarfjarðar í gamla Lækjarskóla. Höfundasmiðjan hefst klukkan 18 um kvöldið og stendur til tvö um nóttina. Ætlunin er að allir þeir sem hafa áhuga á að skrifa stuttverk hittist og skrifi saman hver sinn leikþátt út frá sameiginlegu þema með stuðningi hver frá öðrum. Höfundasmiðjan er öllum opin og meginmarkmiðið að hittast, hlæja og skemmta sér yfir skrifunum. Tólf á hádegi er síðan almennur félagsfundur hjá leikfélaginu, líka öllum opinn þar sem verkin frá föstudagskvöldinu verða leiklesin, valdir leikstjórar, leikarar og aðstoðarfólk úr hópi áhugasamra og gefin vika til...

Creature er nýtt verk eftir leikhúslistamanninn Kristján Ingimarsson, sem þekktur er fyrir að feta ótroðnar slóðir og nota líkamann á óvæntan og sérstæðan hátt í sýningum sínum. Sýningin var frumflutt í Husets Teater í Kaupmannahöfn en verður sýndur hjá  Leikfélagi Akureyrar  1. og 2. maí og í Kassanum í Þjóðleikhúsinu 14, 15, 16 og 17. maí.  Creature er stórhættulegur og bráðfyndinn leikhúskonsert um sköpunarþörf manneskjunnar og þörf hennar fyrir að setja sjálfa sig á svið. Þetta er án efa persónulegasta sýning Kristjáns til þessa, þar sem hann kannar ýmis landamæri með aðferðum spunans og kemur okkur stöðugt á óvart....

Efnahagurinn er í rusli, hagkerfið sprungið, hundruðir hungraðir. Einhversstaðar, einhvernveginn hefur forsætisráðherra verið myrtur. Kreppan stendur sem hæst þegar tveir mótmælendur myrða óvart forsætisráðherrann. Hvert á að láta líkið? Kann einhver að þrífa? Er Grettir sterki nógu sterkur? Er hægt að redda málunum áður en Sigurlaug kemur? Og síðast en ekki síst, er þetta kannski bara allt í lagi?   Dauði í kreppunni er leikverk sem samið var í janúar síðastliðnum. Þetta er hárbeitt ádeila, full af svörtum húmor og föstum skotum. Pólítík eins og þú hefur aldrei séð hana áður!   Aðeins verða þrjár sýningar á verkinu.  ...