Author: lensherra

Lýðveldisleikhúsið sýnir Út í kött! nýjan dans og söngleik fyrir börn í Hafnarfjarðarleikhúsinu um helgina, alls þrjár sýningar og eru þær liður í hátíðinni Björtum dögum. Verkið er ævintýraleikur fyrir börn á öllum aldri og fjallar um tvo krakka og ferðalag þeirra um tölvu og ævintýraheima. Leikin atriði mynda skemmtilega umgjörð utan um söng- og dansatriði þar sem ævintýrapersónur í litríkum búningum bregða á leik. Leikritið fjallar um strákinn Erp sem neyðist til að taka á móti dóttur vinafólks foreldra sinna inn í herbergið sitt. Helga Soffía er hress og hraðlýgin og kann frá mörgu undarlegu að segja. Erpur...

Laugardaginn 6. júní frumsýnir Leikhópurinn Nýja Ísland farsann Við borgum ekki! Við borgum ekki! eftir Nóbelsskáldið Darío Fo á Nýja sviði Borgarleikhússins. Leikstjóri er Þröstur Leó Gunnarsson. Þetta er drepfyndinn og hárbeittur gamanleikur um það sem gerist þegar neyðin kennir nakinni konu að spinna lygavef. Úti er órói í almenningi enda hefur allt hækkað upp úr öllu valdi á sama tíma og verið er að skera niður og segja upp fólki. Konurnar taka málin og matinn í sínar hendur og meðan lögreglan leitar þeirra sem hafa fengið sér vörur með 100% afslætti, hefur frjósemi borgaranna aukist með dularfullum hætti...

Það brutust út fagnaðarlæti norður í landi þegar það fréttist að Rokksöngleikurinn Vínland hafði verið valinn til sýningar í Þjóðleikhúsinu.  Menn ýmist urðu orðlausir eða brustu í grát eins og Óskarinn væri loksins í höfn. Af sjálfsögðu var umsvifalaust slegið upp fagnaðarpartíi og glaðst fram undir morgun eins og leikhópurinn gerir stundum. En núna nokkrum dögum seinna blasir alvaran við. Það þarf að æfa þetta uppá nýtt og pakka niður nokkrum tonnum af leikmynd og kalla saman 30 leikara og aðstoðarfólk, sem hafa leiklist að áhugamáli og eiga það allir sameiginlegt að hafa margt annað að gera en að...

Föstudaginn 5. júní verður einleikurinn Djúpið frumsýnt í Borgarleikhúsinu. Höfundur og leikstjóri verksins er Jón Atli Jónasson en leikari er Ingvar E. Sigurðsson. Djúpið er frásögn úr íslenskum veruleika sem lætur engan ósnortinn. Þetta er óður til allra þeirra fjölmörgu, íslensku sjómanna sem í gegnum aldirnar hafa haldið á djúpið. Bátur heldur úr höfn rétt fyrir dögun. Menn ýmist fleygja sér í koju eða halda sér vakandi á sígarettum, kaffi og veltingi. Enginn hefur minnsta grun um hvað er í vændum. Verkið var heimsfrumsýnt í Oran Mor leikhúsinu í Glasgow í apríl síðastliðnum og var einn þekktasti leikari Skotlands,...

Elvis – leiðin heim er barnaleikrit fyrir alla fjölskylduna eftir Sigurð Ingólfsson var frumsýnt í Bragganum á Egilsstöðum þann 30. maí sl. í leikstjórn höfundar. Tónlistin í verkinu er samin og stjórnað af Magnúsi Helgasyni, fyrir utan Fangablús sem er íslensk útgáfa af Jailhouse Rock með Elvis Presley í útsetningu Magnúsar Helgasonar. Leikritið fjallar um hundinn Elvis sem stingur af að heiman frá sér og hittir ýmis dýr á ferðum sínum. Honum er þó hugleiknast að komast heim til sín. Tónlistin tengir saman persónurnar í verkinu, sem vita það að án þess að eiga sitt lag, eru þau týnd....