Author: lensherra

Föstudaginn 22. janúar kl. 20 verður frumsýnt á Nýja sviðinu nýtt íslensk leikverk Góðir Íslendingar eftir þá Hall Ingólfsson, Jón Pál Eyjólfsson og Jón Atla Jónasson. Verkið er hárbeitt ádeilda á íslenskt samfélag og hvernig við glímum við afleiðingar efnahagshrunsins sem á okkur dundi. Í Góðir Íslendingar er verið að skoða sjálfsmynd íslensku þjóðarinnar sem birtist m.a. í húsunum sem við byggðum og bílunum sem við keyptum en einnig í því hvernig við komum fram og tjáum okkur á veraldarvefnum og í lífinu yfirleitt. Við erum öll undir smásjánni í verkinu. Kreppan krefst nýrra leikmuna. Lopapeysur í stað jakkafata,...

Leikfélag Hveragerðis hefur hafist handa við uppsetningu á hinni geysivinsælu sögu um Emil í Kattholti eftir Astrid Lingren. Strákskrattann og fjörkálfinn Emil ættu flestir að þekkja enda mörg uppátækin sem hann hefur framið og hefur Týtuberja-Mæja verið iðin við að dreifa fregnum af fjölskyldunni í Kattholti til nærliggjandi bæja. Skrautleg saga sem gleður hjörtu allra. Þýðingu verskins gerði Vilborg Dagbjartsdóttir og leikstjóri er Sigurður Blöndal en hann leikstýrði meðal annars Kardimommubænum (2002) og Dýrunum í Hálsaskógi (2001) við góðan orðstír. Ákveðið hefur verið að halda teiknimyndasamkeppni fyrir leikskóla- og grunnskólabörn í Hveragerði og mun sigurvegari keppninnar fá vegleg verðlaun...

Nemendaleikhús Listaháskóla Íslands frumsýnir nýtt íslenskt verk, Bráðum hata ég þig, eftir Sigtrygg Magnason þann 21. janúar n.k. í Smiðjunni, Sölvhólsgötu. Leikstjóri er Una Þorleifsdóttir. Bráðum hata ég þig er annað verkefni vetrarins en fyrsta sýning Nemendaleikhússins, Eftirlitsmaðurinn eftir Gogol, var sýnd fyrir fullu húsi í haust en uppselt var á allar sýningar. Á bæ við Kolugljúfur í Víðidal hittast fjórar systur við jarðarför móður sinnar, sem beðið hafði dauðans í hálfan annan áratug. Halla hefur ekki haft samband í þrjú ár, Snæfríður hefur ekki talað við neinn jafn lengi. Steinunn þráir að vera snert og Anna vill komast...

Kómedíuleikhúsið fer í leikferð um Norðurland núna í vikunni. Sýnt verður á fjórum stöðum og hefst leikurinn á Aureyri, þaðan verður farið á Sauðárkrók svo á Dalvík og loks á Húsavík. Hápólitíski gamanleikurinn Heilsugæslan hefur nú verið sýndur um 30 sinnum víða um landið. Viðtökur hafa verið góðar og er stefnan sett á að sýna Heilsugæsluna um land allt. Leikferðin núna í janúar um Norðurland er því bara byrjunin á árinu en verið er að leggja drög að frekari sýningum á Heilsugæslunni strax í febrúar. Heilsugæslan verður sýnd á Græna hattinum á Akureyri miðvikudaginn 20. janúar kl. 20.30. Daginn...