Author: lensherra

Ákveðið hefur verið að hafa tvær aukasýningar á leiksýningunni Umbúðalaust sem Leikfélag Kópavogs hefur sýnt að undanförnu. Sýningarnar verða sunnudag 7. febrúar og mánudag 8. febrúar kl. 20.00. Leiksýningin Umbúðalaust sem er samin af leikhópnum og leikstjóranum Vigdísi Jakobsdóttur hefur fengið mjög góðar viðtökur og þykir fersk og óvenjuleg. Óræðar persónur á óljósum stað eru knúnar til að taka málin í sínar hendur þegar óvænt atvik ber að garði. Saman og hvert í sínu lagi komast þau að því að þáttaskil marka ekki endilega sögulok – og þráðurinn sem þau fylgdu í byrjun er ekki endilega haldreipið sem þarf...

Föstudaginn 5. febrúar frumsýnir Halaleikhópurinn Svartfugl, verk byggt á samnefndu ritverki Gunnars Gunnarssonar. Um er að ræða nýja leikgerð eftir þau Ágústu Skúladóttur leikstjóra og Þorgeir Tryggvason í samvinnu við leikhópinn. Verkið fjallar um eitt þekktasta sakamál Íslandssögunnar, morðin á Sjöundá og réttarhöldin yfir Bjarna Bjarnasyni og Steinunni Sveinsdóttur. Þeim var gefið að sök að hafa lagt á ráðin og banað mökum sínum. Tónlist og áhrifshljóð í verkinu eru samin af Einari Andréssyni og Einari Melax og er í lifandi flutningi spilað er á gömbu, steinaspil, ferðaharmoníum og borðhörpu. SýningarFrumsýning – föstudaginn 5. feb. kl. 20.00 (Uppselt)2. sýning –...

Leikfélag Akureyrar hefur boðið leiksýningunni Munaðarlaus að vera Óvissusýning vetrarins hjá LA. Sýningin Munaðarlaus hefur heldur betur slegið í gegn á undanförnum vikum þar sem hún hefur verið sýnd í Norræna húsinu við glimrandi viðtökur og hefur verið fullt á nær allar sýningar. Leikhópurinn hefur ákveðið að nýta ferðina og sýna sýninguna einnig á Vopnafirði og Egilsstöðum. Munaðarlaus verður sýnd í Rýminu hjá Leikfélagi Akureyrar og miðasala er í síma 4 600 200 kl. 13-17 og á www.leikfelag.is. Munaðarlaus er verk sem rannsakar heim sem fæst okkar þekkja og við viljum ekki vita af en er beint fyrir utan...

Leikfélag Akureyrar ýtir nú úr vör leiklestraröð, þar sem leikarar hjá LA munu leiklesa ýmis leikverk og er hugmyndin er að gera þetta að föstum lið, eitt kvöld í mánuði fram í júní. Leiklestrarnir munu hafa mismunandi yfirskrift eða þema og verða ýmist leiklesin heil verk eða kaflar úr verkum. Nemendur í Tónlistarskólanum á Akureyri munu koma fram og leika tónlist í anda verkanna sem leiklesin verða. Fyrsti leiklesturinn verður miðvikudaginn 3. febrúar í Samkomuhúsinu og hefst kl. 21.00. Þá verða á dagskrá brot úr fjórum einleikjum: Þráinn Karlsson – Gamli maðurinn og kvenmannsleysið eftir Böðvar GuðmundssonBjörn Ingi Hilmarsson...

Leikritunarsjóður LR eflir fjölbreytni og nýsköpun í íslenskri leikritun. Jón Gnarr leikari, skáld og þúsundþjalasmiður, hefur verið valinn leikskáld Borgarleikhússins árið 2010 úr stórum hópi umsækjanda. Jón mun starfa í Borgarleikhúsinu næsta ár þar sem hann mun sinna ritstörfum. Markmið með ráðningu leikskálds á vegum Leikritunarsjóðsins er að laða hæfileikaríkt fólk að leikhúsinu, kynna því leikhúsformið og efla þannig íslenska leikritun. Stefnt er að því að Jón riti leikverk, eitt eða fleiri, á tímabilinu með uppsetningu í Borgarleikhúsinu í huga. Hann verður hluti af starfsliði hússins allt tímabilið og fær aðgang að allri starfsemi leikhússins. Leikritunarsjóður Leikfélags Reykjavíkur réð...