Author: lensherra

Leikfélag Hafnarfjarðar frumsýndi 20. febrúar sl. hinn rómaða gamanleik Kjartans Ragnarssonar, Blessað Barnalán. Leikstjóri er Lárus Vilhjálmsson en hann hefur leikstýrt fjölda verka hjá leikfélaginu og er skemmst að minnast hinnar bráðskemmtilegu Ráðskonu Bakkabræðra. Blessað Barnalán er sýnt í leikhúsi félagsins í Gamla Lækjarskóla við lækinn í Hafnarfirði. Bent skal á að áhorfendafjöldi er takmarkaður vegna lítils rýmis og því betra að tryggja sér miða í tíma. Blessað Barnalán sem er sprenghlægilegur farsi með hurðaskellum, misskilningi og skemmtilegum uppákomum hefur verið sýndur um allt land um árabil og fengið frábærar viðtökur en hann hefur ekki verið settur á svið hér...

Næstkomandi laugardag, hinn 20. febrúar, frumsýnir unglingadeild Leikfélags Kópavogs nýtt íslenskt leikrit, Blóðsystur, í Leikhúsinu við Funalind 2 í Kópavogi. Hópurinn, sem skipaður er átta upprennandi leikurum, hefur æft og þjálfað af kappi frá í haust undir styrkri stjórn Guðmundar Lúðvíks Þorvaldssonar. Verkið sem nú liggur fyrir er afrakstur þeirrar vinnu en það er orðið til í spunavinnu og höfundar því leikstjórinn Guðmundur Lúðvík Þorvaldsson, aðstoðarleikstjórinn Víðir Örn Jóakimsson og unglingarnir í hópnum, en þeir heita: Agnes Engilráð Scheving, Anna Kristjana Ó. Hjaltested, Bjarni Magnús Erlendsson, Dagbjört  Rós Jónsdóttir, Hanna Rún Jónasdóttir, Lovísa Þorsteinsdóttir, María Björt Ármannsdóttir og Sigrún...

Leikfélag Reykjavíkur efnir til málþings undir yfirskriftinni Jóhann Sigurjónsson leikskáld – sígildur eða ekki? í Borgarleikhúsinu laugardaginn 20. febrúar og hefst það kl. 11:00 á Litla sviðinu með leiklestri á leikriti Jóhanns Rung læknir sem gefið var út í Danmörku 1905. Sveinn Einarsson leikstýrir þeim Hilmi Snæ Guðnasyni, Jakobi Þór Einarssyni og Láru Jóhönnu Jónsdóttur. Umræðuefni málþingsins, sem hefst að leiklestri loknum leiklestrinum,  er Jóhann Sigurjónsson, leikskáld, og erindi hans við nútímann. Dagskrá málþingsins hefst á sögulegu yfirliti um ævi og störf Jóhanns sem Jón Viðar Jónsson hefur tekið saman. Síðan kynnir Fern Nevjinsky inntak doktorsritgerðar sinnar, Þrá og...

Leiklistarhópur unglingadeildar Dalvíkurskóla frumsýnir nýtt leikverk, Frá upphafi til enda…, þann 19.febrúar næstkomandi í Ungó. Dalvíkurskóli og Leikfélag Dalvíkur eru nú enn og aftur í samstarfi í tengslum við leiklistarvinnu með unglingum í Dalvíkurbyggð. Er þetta í fimmta sinn sem samstarf af þessu tagi er tekið upp. LD leggur fram æfingarhúsnæði til afnota í 6 vikur fyrir þessa vinnu, endurgjaldslaust og félgasmenn aðstoða auk þess varðandi búninga, leikmuni og fleira. Leiklist er kennd sem valgrein í 8., 9. og 10. bekk í Dalvíkurskóla og hvorki fleiri né færri 28 nemendur sækja þessa faggrein í vetur! Leiðbeinandi leikhópsins og leikstjóri...