Author: lensherra

Það verður sannkölluð leikhúsveisla um páskana hjá LA. Eftir skemmtilegan dag í brekkum Hlíðarfjalls eða rólegan dag í fögrum miðbæ Akureyrar, er tilvalið að bregða sér í leikhús! Leikhúsunnendur geta valið um þrjár sýningar, 39 þrep, Horn á höfði og Fúlar á móti auk þess sem boðið verður upp á þriðja leiklesturinn í Leiklestraröð LA sem í þetta sinn er Blóðbrúðkaup eftir Garcia Lorca. Á fjölum Samkomuhússins verður hinn geysivinsæli gamanleikur 39 þrep sem hefur nú verið sýndur fyrir fullu húsi frá því í janúar sl. Þar takast fjórir hugrakkir leikarar á við 139 hlutverk í einhverjum hröðustu, mest...

Það verður líf og fjör í Ísafjarðarbæ um páskana einsog verið hefur í gegnum áratugina. Fjölmargt skemmtilegt verður í boði allt frá rokki til skíðalista. Í leikhúsinu verður líka allt í botni og stuði. Kómedíuleikhúsið í samstarfi við Litla leikklúbbinn á Ísafirði og Leikdeild Höfrungs á Þingeyri bjóða uppá sérstaka leikhúspáska. Boðið verður uppá þrjár sýningar sem allar hafa fengið góðar viðtökur áhorfenda og hafa verið sýndar við miklar vinsældir þennan vestfirska leikúsvetur. Leikurinn hefst miðvikudaginn 31. mars með sýningu á Heilsugæslunni í Arndardal. Síðan tekur hver sýningin við af annarri en rétt er að geta þess að miðasala...

Á fimmtudaginn 25.mars frumsýnir Áhugaleikhús atvinnumanna þriðja örverk sitt um árattur, kenndir og kenjar.  Verkið, sem ber heitið Mars, er 10 mínútna hugleiðing um líðandi stund og er sýnt í beinni útsendingu á www.herbergi408.is, frá Útgerð, Hugmyndahúss háskólanna sem er nýtt gjörningarými við Grandagarð 16. Sýningin er hluti af 12 verka röð sem mynda eina heild og verða sýnd í einu lagi í lok desember og verður þá einskonar annáll ársins 2010.  Listamönnum Áhugaleikhúss atvinnumanna hefur nýverið verið úthlutað listamannalaunum úr launasjóði sviðslistamanna vegna verkefna sinna en nú í vor mun leikhúsið endurflytja Ódauðlegt verk um stríð og frið....

Leikfélag Hofóss frumsýnir skopleikinn Pókók eftir Jökul Jakobsson föstudaginn 19. mars kl. 20.30. Leikritið var frumsýnt 1961 en þrátt fyrir aldurinn má segja að efni verksins gæti vel átt við í þjóðfélagi nútímans þar sem græðgi og blekkingar eru aldrei langt undan í viðskiptalífinu. Leikstjóri er Þröstur Guðbjartsson sem áður hefur sett upp vinsælar sýningar bæði á Hofsósi og Sauðárkróki. Leikritið fjallar um átök smákrimmans Óla sprengs og Jóns Bramlan, forstjóra Eximport Group. Óli er nýsloppinn af Hrauninu og ætlar sér að verða ríkur á því að framleiða undrasælgætið Pókók en Bramlan forstjóri reynir að sölsa undir sig fyrirtækið....

Kómedíuleikhúsið og Lýðveldisleikhúsið frumsýna nýtt íslenskt leikverk í Edinborgarhúsinu á Ísafirði fimmtudaginn 18. mars. Verkið nefnist Síðasti dagur Sveins skotta og er eftir Benóný Ægisson og leikhópinn. Hér er á ferðinni kolsvört kómedía um Svein Björnsson þjóf, nauðgara og galdramann sem var hengdur í Rauðuskörðum á Barðaströnd árið 1648. Sveinn þessi var enn í móðurkviði þegar faðir hans Axlar-Björn var tekinn af lífi fyrir morðverk sín. Verkið er blanda af leiklist, tónlist og dansi. Helstu höfundar og flytjendur verksins eru: Benóný Ægisson höfundur handrits og tónlistar, Elfar Logi Hannesson leikari, Halldóra Malín Pétursdóttir leik- og söngkona, Henna Riikka Nurmi...