Author: lensherra

Einleikurinn Brák eftir Brynhildi Guðjónsdóttur hefur verið sýndur undanfarin þrjú ár á Sögulofti Landnámssetursins í Borgarnesi. Verkið var sérstaklega skrifað til flutnings þar og hefur sýningin, í leikstjórn Atla Rafns Sigurðarsonar, gengið fyrir fullu húsi í þrjú ár. Nú hefur Landnámssetur – Brynhildur þegið boð Þjóðleikhússins um að sýna verkið í Kúlunni og hefjast sýningar þar 6. febrúar. Verkið er saga Þorgerðar brákar, ambáttar landnámsmannsins Skallagríms Kveldúlfssonar og fóstru Egils Skallagrímssonar. Leikritið vann Brynhildur uppúr Egilssögu aðallega en öðrum Íslendingasögum einnig, fornaldarsögum norðurlanda, svo og írskum sögum og annálum. Frásögnin er innblásin af sagnahefð sögualdar á Íslandi og frásögnum...

Þjóðleikhúsið frumsýnir þann 3. febrúar Ballið á Bessastöðum, nýtt íslenskt barnaleikrit eftir Gerði Kristnýju með tónlist eftir Braga Valdimar Skúlason. Verkið er byggt að hluta á hinum geysivinsælu Bessastaðabókum eftir Gerði Kristnýju og tónlistin er eftir Braga Valdimar Skúlason, sem meðal annars hefur getið sér gott orð með Baggalúti og Memfismafíunni, en semur nú í fyrsta sinn tónlist fyrir leikhús. Gerður Kristný og Bragi Valdimar eiga heiðurinn af söngtextum í sýningunni. Leikstjóri er Ágústa Skúladóttir. Forsetinn á Bessastöðum er að drukkna í skyldustörfum og bréfaflóði, en dreymir um að fá tíma til að skoða skýin, eignast góða vini og...

Kraðak ehf hefur frá júlí 2009 sýnt gamansýningar ætlaðar ferðamönnum á hverju kvöldi á Restaurant Reykjavík við góðar undirtektir. Undanfarnar vikur hafa hins vegar orðið þónokkrar breytingar á sýningunni og leikarahópurinn stækkað. Þá heitir sýningin ekki lengur Let´s talk Local – Reykjavík heldur Let´s talk Iceland. Let´s Talk Iceland er gamansýning á ensku. Sýningin er einleikur og fjallar um sögu og menningu Íslands frá landnámi til dagsins í dag á gamansaman hátt. Þar hitta gestir víkinga og fara með þeim í ógleymanlegt ferðalag um sögu og menningu Íslands. Gestir taka þátt í nokkrum atriðum sýningarinnar og ef eitthvað er...

Lýðveldisleikhúsið sýnir leikritið Út í kött! eftir Benóný Ægisson í Tjarnarbíói sunnudaginn 30. janúar kl 14. Þetta er ævintýraleikur með dansi og söng fyrir börn en fullorðin börn ættu líka að hafa gaman að þessu fjöruga verki. Leikin atriði mynda skemmtilega umgjörð utan um söng- og dansatriði þar sem ævintýrapersónur í litríkum búningum bregða á leik. Því miður var ein af afleiðingum kreppunnar sú að aðgengi barna að leikhúsi takmarkaðist því heimsóknir leikhópa í skóla og leikskóla voru skornar niður og heyrast nánast til undantekninga núna. Lýðveldisleikhúsið vill bæta þetta ástand og býður skólum og leikskólum hópafslátt að sýningunni...