Author: lensherra

Uppselt hefur verið á þær fimm sýningar sem búnar eru af Allskonar Elvis hjá Leikfélagi Mosfellssveitar og uppselt er á föstudag 18. mars n.k. en búið er að setja á tvær sýningar til viðbótar föstudaginn 25. mars klukkan 20:00 og 23:00. Nánar verður auglýst síðar með framhald. Miðapantanir í síma 5 66 77 88, miðaverð aðeins krónur 1500. Einnig er hafinn undirbúningur hjá LM vegna Aðalfundar BÍL og stuttverkahátíðar í Bæjarleikhúsinu þann 29. apríl n.k. Vonumst til að sjá sem flesta á báðum viðburðum....

Nú er tveimur sýningum að ljúka í Tjarnarbíói. Súldarsker eftir Sölku Guðmundsdóttur verður sýnt 11. og 12. mars og Svikarinn í uppsetningu Lab loka verður með síðustu sýningar 13. og 17 mars. Súldarsker var frumsýnt um miðjan janúar og hefur gengið fyrir fullu húsi síðan þá og hefur þurft að bæta við 8 aukasýningum til að anna eftirspurn. Sýning Lab Loka Svikarinn í Tjarnarbíó hefur hlotið frábærar viðtökur áhorfenda og gagnrýnenda og aðsókn verið eftir því, – yfirleitt uppselt. Súldarsker  segir frá tveimur aðkomukonum skolar upp á hið grámyglulega Súldarsker í ólíkum erindagjörðum. Koma þeirra setur samfélagið úr skorðum og hrindir...

Söngleikurinn Hárið verður fumsýndur á vegum Silfurtunglsins í Menningarhúsinu Hofi þann 15. apríl og verður sýndur mjög þétt yfir páskana. Þetta er einn vinsælasti söngleikur heims og höfðar til fólks á öllum aldri. Leikstjóri er Jón Gunnar Þórðarson en hann hefur tvisvar sinnum áður sett upp sýningar undir merkjum Silfurtunglsins, Fool For Love í Austurbæ og leikritið Lilja sem sett var upp í Manchester, Englandi.   Eyþór Ingi Gunnlaugsson mun fara með aðalhlutverkið, hlutverk Bergers. Hann fór á kostum í hlutverki Riff Raffs í Rocky Horror og er nú kominn tími á aðalhlutverk hjá þessum hæfileikaríka Dalvíkingi. Með hlutverk...

Leikfélag Kópavogs frumsýnir föstudaginn 11. mars, sprenghlægilegan gamanleik sem ber yfirskriftina Bót og betrun – fimm hurða farsi úr félagslega kerfinu. Verkið er eftir Michael Cooney, son farsameistarans Ray Cooney sem er íslenskum leikhúsgestum að góðu kunnur, m.a. fyrir verkið Nei, ráðherra sem sýnt er í Borgarleikhúsinu um þessar mundir. Hörður Sigurðarson þýddi verkið úr ensku og er hann jafnframt leikstjóri.   Bót og betrun segir frá bótasvindlaranum Eric Swan sem grípur til svika þegar hann missir vinnuna. Svindlið fer hins vegar úr böndunum og Eric kemst að því að það er stundum einfaldara að komast á bætur en...