Author: lensherra

Leiklistarhátíðin Act alone verður haldin áttunda árið í röð dagana 12. – 14. ágúst. Hátíðin fer að vanda fram á Ísafirði sem gárungarnir nefna Einleikjabæinn þegar hátíðin fer fram ár hvert. Eru það orð að sönnu því mikið fjör er í bænum Act alone helgina en auk þess hefur Kómedíuleikhúsið sem einmitt er staðsett í bænum verið duglegt við að setja upp einleiki síðasta áratug. Í ár verður Act alone ekki bara á Ísafirði heldur einnig í Arnarfirði, nánar tiltekið á höfuðbóli Vestfjarða, Hrafnseyri. Rétt er að geta þess að aðgangur að öllum sýningum á Act alone er ókeypis...

Þrjár sýningar verða á einleiknum Skjaldbakan á Hólmavík í júlí og ein á einleikjahátíðinni Act alone á Ísafirði í ágúst. Skjaldbakan er gamansamur einleikur leikinn af Smára Gunnarssyni og saminn í samstarfi við leikstjórann Árna Grétar Jóhannsson. Verkið er byggt á þeim stóratburði þegar risaskjaldbaka kom að landi á Hólmavík árið 1963. Verkið var frumsýnt 1. júlí á Hólmavík. Þetta var fyrsta sinn sem Leðurskjaldbaka, stærsta skjaldbökutegund sem til er, finnst svo norðarlega en þær búa yfirleitt sunnan við miðbaug. Skjaldbakan sem kom að landi var 2 metrar að lengd og 360 kg, og í kjölfar hófst mikið fjölmiðlafár…...

Nú liggja fyrir helstu tölur um starfsemi aðildarfélaga Bandalags íslenskra leikfélaga leikárið 2010-2011 og er ljóst að í meginatriðum eru þær mjög svipaðar og undanfarin ár. Á leikárinu voru 60 aðildarfélög að Bandalaginu en fjöldi félaga með starfsemi á árinu var 39 og í þeim félögum störfuðu 2.522 félagar. Settar voru upp 91 leiksýning sem sýndar voru 572 sinnum og tóku þátt í þeim 1.682 manns. Heildarfjöldi áhorfenda á sýningum Bandalagsleikfélaganna var 38.956 manns. 20 best sóttu sýningarnar voru þessar: 1. Leikfélag Hörgdæla, Með fullri reisn – 2.800 áhorfendur á 30 sýningum2. Leikfélag Vestmannaeyja, Mamma mia (Sjens á skrens),...

Draumurinn gleðileikur  með söng og dansi byggður á verki Shakespeares Draumi á Jónsmessunótt frumsýndur í Borgarbyggð föstudaginn 8.júlí kl.20:00 í Valfelli. Listasmiðjan bak við eyrað frumsýnir verkið í samstarfi við Tónlistarskóla Borgarbyggðar, Dansskóla Evu Karenar og sveitarfélagið Borgarbyggð. Það er Ása Hlín Svavarsdóttir leikstjóri og mastersnemi í við Listaháskóla íslands sem gerir leikgerðina og setur verkið á svið. Þátttakendur í sýningunni eru á aldrinum 8-16 ára og sjá þeir um flesta þætti sýningarinnar, leik, söng, hljóðfæraleik og dans. Listasmiðjan fékk veglegan styrk frá Menningarráði Vesturlands á vormánuðum sem gerði hópnum kleift að leggja útí uppsetninguna. Eins og í frumverki...