Author: lensherra

Leikfélag Hafnarfjarðar stendur að örverkahátíð laugardaginn 4. febrúar í Gaflaraleikhúsinu í Hafnarfirði. Þar er ekki ráðist á garðinn þar sem hann er lægstur heldur verða frumsýnd hvorki meira né minna en sex frumsamin verk. Og eins og það sé ekki nóg að þá fengu höfundarnir ekki nema viku til að semja verkið og leikstjóri svo aðra viku til að koma verkinu á fjalirnar. Öll verkin eiga það sameiginlegt að fjalla um dauðann frá hverju því sjónarhorni sem höfundi datt í hug. Útkoman er svo þessi örverkahátíð sem nú er orðin að veruleika. Það er ánægjulegt að segja frá að...

Laugardaginn 4. febrúar kl. 20.00 frumsýnir Hugleikur nýtt íslenskt leikrit sem hlotið hefur nafnið Sá glataði. Handritið er eftir Sigríði Láru Sigurjónsdóttur en hún vann það í samvinnu við leikstjórann Ágústu Skúladóttur og leikhópinn. Tónlist og söngtexta í verkinu samdi Þorgeir Tryggvason. Sýnt er í húsnæði leikfélagsins að Eyjarslóð 9. Að þessu sinni fæst Hugleikur við eitt af grundvallarritum vestrænnar menningar, sjálfa Biblíuna. Megin efniviðurinn eru dæmisögur Jesú í Nýja Testamentinu, bæði þessar alþekktu um glataða soninn og miskunnsama Samverjann en einnig aðrar minna þekktar sem gjarnan fjalla um peninga og kallast þannig með áþreifanlegum hætti á við samtímann....

Föstudaginn 3. febrúar kl. 21.00 verður uppistandssýningin Uppnám sýnd á stóra sviði Þjóðleikhússins. Það sem upphaflega átti að vera sýningar í Leikhúskjallaranum varð að þrettán og nú er ætlunin að ljúka þessu með pompi og pragt á stóra sviðinu. Í uppnámi koma annars vegar fram Pörupiltar og hins vegar Viggó og Víóletta. Uppnámið hefst á framlagi Pörupilta, þeirra Dóra Maack, Nonna Bö og Hermanns Gunnarssonar. Þeir eru harðir í horn að taka en engu að síður óhræddir við að takast á við stórar spurningar um ástir og örlög og tilgang lífsins. Frumsamin ljóð, óskiljanleg töfrabrögð, þrælæfð dansatriði, ástir og...

Brúðuleiksýningin Skrímslið litla systir mín verður frumsýnt í Norræna húsinu 4. febrúar. Það er Helga Arnalds sem er aðalhöfundur verksins og flytjandi en leikstjóri og meðhöfundur er Charlotte Böving og Eivör Pálsdóttir semur og flytur tónlist verksins. Sýningin er ætluð börnum frá 3 til 9 ára. Hún tekur um 40 mínútur í flutningi og vinnustofan eftir sýninguna er um 45 mínútur. Verkið er aðeins sýnt í febrúar. Skrímslið litla systir mín segir frá strák sem hefur nýlega eignast litla systur. Hann kemst reyndar fljótlega að því að hún er ekkert venjulegt barn heldur skrímsli sem ætlar að éta mömmu...