Author: lensherra

Föstudaginn 30. mars frumsýnir Leikfélag Vestmannaeyja söngleikinn Banastuð sem er byggður á bandarísku B-myndunum The Evil Dead I og II og Army of Darkness. Um er að ræða hressilegan og fyndinn söngleik með blóðugu ívafi og er sýningin mjög tæknilega krefjandi fyrir félagið. Fimm ungmenni stela kari og róa út í Elliðaey þar sem brotist er inn í lundakofa til þess eins að komast í náðugt frí. Fljótlega fara undarlegir hlutir að eiga sér stað og upphefst hröð, spennandi og skemmtileg atburðarrás sem enginn sá fyrir. Leikstjóri er Guðjón Þorsteinn Pálmarsson. Félagið hefur undirbúið sýninguna mjög vel og sem...

Sýningum á revíunni Ekki trúa öllu sem þú heyrir (og ekki trúa öllu sem þú sérð) sem Ungmennafélag Reykdæla sýnir um þessar mundir í félagsheimilinu Logalandi fer nú fækkandi. Leikritið hefur fengið mjög góðar viðtökur og þykir skemmtileg innansveitarkróníka en efnið á þó vel við víðar en Borgarfjörðinn. Sýnt er í kvöld, miðvikudag og næsta laugardag 31. mars og síðustu sýningar eru áætlaðar á miðvikudag 4. apríl og laugardag 7. apríl....

Hvernig myndurðu bregðast við  ef að gesturinn á næsta borði við þig á veitingastað fengi að borða matinn þinn? Líklega yrðir þú hissa, síðan reiður, og síðan myndirðu líklega hringja á lögguna. Það er einmitt það sem gerist í leikritinu Lambi fyrir tvo sem frumsýnt verður á Gallerý Bar 46, Hverfisgötu 46 á laugardaginn kemur. Það er Leikfélagið Peðið sem setur upp í leikstjórn Lísu Pálsdóttur útvarpskonu, en verkið er eftir Jón Benjamín Einarsson, sem segja má að sé hirðskáld leikfélagsins. Peðið hefur sérhæft sig í að leika á börum, en það var stofnað á Grand Rokk við Smiðjustíg...

Tengdó, nýtt leikverk eftir Val Frey Einarsson, verður frumsýnt á litla sviðinu næstkomandi fimmtudagskvöld, 29. mars, kl. 20. Hér er ráðist í gerð heimildaleikhúss þar sem skyggnst verður í persónulega sögu listamannanna. Leikhópurinn CommonNonsense hefur vakið athygli fyrir nýstárlegar sýningar sem ramba á barmi myndlistar og leikhúss. Þau hafa áður m.a. sett upp Hrærivélina, CommonNonsense og Forðist okkur. Hópnum hefur bæst liðsstyrkur með leikstjóranum Jóni Páli Eyjólfssyni. Í forgrunni er áratugalöng leit „ástandsbarns“ að föður sínum og djúpstæð þörf hennar á að þekkja uppruna sinn en um leið er horft gagnrýnum augum á íslenskt samfélag þá og nú. „Aðeins...

Sérstök aukasýning verður á Súldarskeri eftir Sölku Guðmundsdóttur í Tjarnarbíói miðvikudagskvöldið 28. mars kl. 20. Þessi bráðskemmtilega sýning sló rækilega í gegn þegar hún var frumsýnd í fyrra og hlaut mikið lof gagnrýnenda og áhorfenda, en sýningum var hætt fyrir fullu húsi vegna anna. Meðal annars var Súldarsker tilnefnt til tvennra Grímuverðlauna. Hópurinn er nýkominn úr leikferð til Akureyrar þar sem sýningin var leikin tvisvar fyrir fullu húsi. Í tilefni þess var ákveðið að leyfa skerinu að rísa í allra síðasta sinn næstkomandi miðvikudagskvöld. Tveimur aðkomukonum skolar upp á hið grámyglulega Súldarsker í ólíkum erindagjörðum. Koma þeirra setur samfélagið...