Author: lensherra

Á morgun, fimmtudaginn 10. maí kl. 20:00, mun Sigurður Skúlason sýna einleikinn Hvílíkt snilldarverk er maðurinn, í Samkomuhúsinu á Akureyri. Verkið er unnið upp úr verkum Shakespears og hefur fengið afburða góða gagnrýni. Verkið hefur verið sýnt í Þjóðleikhúsinu í vetur og er einnig nýkomið úr leikferð um Austurland þar sem það var sýnt 6 sinnum fyrir fullu húsi. Aðeins er um þessa einu sýningu að ræða. Sýningin er einleikur byggður á brotum úr leikritum og sonnettum Shakespeares. Fjallað er um manninn og vegferð hans, og samlíkingu lífs og leikhúss. Áhorfendur ferðast inn í völundarhús mannssálarinnar þar sem á...

Val Þjóðleikhússins á athyglisverðustu áhugaleiksýningu leikársins hefur nú farið fram í nítjánda sinn. Alls sóttu ellefu leikfélög um með jafn margar sýningar. Það var afar ánægjulegt að skoða þessar fjölbreyttu sýningar, víðsvegar að af landinu og verða enn á ný vitni að því hversu góða rækt áhugaleikfélögin leggja við íslenska leikritun. Öll verkin voru eftir íslenska höfunda, og voru sjö þeirra frumsamin fyrir félögin en fjögur voru áður sýnd íslensk verk. Dómnefnd hefur komist að þeirri niðurstöðu að velja að þessu sinni sem athyglisverðustu áhugaleiksýningu leikársins 2011-2012 sýningu Leikfélags Kópavogs á Hringnum. Í dómnefnd í ár sátu Ari Matthíasson,...

Þriðjudaginn 8. maí og miðvikudaginn 9. maí kl. 20.00 sýnir Stoppleikhópurinn aukasýningar á leikritinu Hústakan eftir Hrund Ólafsdóttur. Bakgrunnur verksins er búsáhaldabyltingin 2008-2009. Leikstjórn og aðlögun fyrir leiksvið er í höndum Valgeirs Skagfjörð sem jafnframt semur tónlistina. Sýnt er í Leikhúsinu við Funalind 2 í Kópavogi og eru þetta síðustu sýningarnar á Hústökunni í leikhúsinu en ætlunin er að ferðast svo með sýninguna um landið. Í verkinu segir frá ungum manni sem fellur fyrir stúlku sem brennur af hugsjónum um betri heim. Hann fer að mæta á mótmælafundi og starfa með aðgerðarsinnum, en þegar hópurinn sest að í auðu...