Author: lensherra

Alvöru menn snúa nú aftur á svið – eftir frábærar viðtökur á síðasta leikári. Hér er á ferðinni gamanleikur af bestu gerð með blöndu af uppistandi, söng og líkamlegum áhættuleik. Alvöru Menn eftir Glynn Nicholas og Scott Rankin hefur farið sigurför um heiminn frá því það var frumsýnt í Ástralíu árið 1999. Það er vinsælasta gamanleikrit Svíþjóðar í dag og er á leiðinni upp á West End í London í febrúar. Leikstjóri er Gunnar Helgason. Verkið segir frá þeim Hákoni, Smára og Finni Snæ. Þeir eru allir háttsettir vinnufélagar en Guðmundur, eigandi fyrirtækisins tilkynnir þeim að þeir þurfi að...

Starfsfólk Borgarleikhússins lýkur upp dyrunum klukkan 13 laugardaginn 1. september og býður í vöfflukaffi með fjörlegri dagskrá. Það verður líf á öllum sviðum og um allt leikhús. Gestir á öllum aldri geta upplifað töfra leikhússins, gægst baksviðs, farið í skoðunarferðir og  bragðað á ljúffengum vöfflum sem leikhússtjórinn Magnús Geir, mun reiða fram af myndarskap ásamt öðru starfsfólki. Leikarar, leikstjórar, hönnuðir og tæknifólk verða við störf á öllum sviðum hússins; ýmist við æfingar eða sýningar eða til þess að svara spurningum sem brenna á forvitnum leikhúsgestum. Gestir og gangandi geta skoðað leikhúsið og séð brot af þeim fjölmörgu sýningum sem...

Leikfélagið Sýnir sýnir tvær sýningar til viðbótar af Gangverkunum sem leikfélagið sýndi fyrr í sumar. Sýningarnar verða laugardaginn 1. september og sunnudaginn 2. september kl. 17.00. Sýnt er í Elliðaárdal, sýningin tekur um klukkutíma í flutningi og áhorfendur eru hvattir til að klæða sig eftir veðri. Aðgangseyrir er 1.000 kr. og leiksýningin hefst á bílastæðinu við Félagsheimili Orkuveitunnar. Aðeins verða sýndar þessar 2 sýningar. Gangverkin spyr stórra spurninga um hlutverk mannsins í náttúrunni, er hún hans eign eða hann hennar? Verkið endurspeglar viðleitni mannsins til að bregðast við utanaðkomandi árhrifum tækni og nýjunga sem hann er þó óumflýjanlega háður....

Borgarleikhússið kynnir leikárið 2012-2013. Dagskrá leikársins er viðameiri en nokkru sinni og hvergi er slegið af frá fyrra ári sem var gjöfult. Fleiri verk en nokkru sinni fyrr, 26 titlar, verða á boðstólum í Borgarleikhúsinu í vetur, þar af eru 18 íslensk verk. Á Stóra sviðinu verða m.a. sýnd Mary Poppins, Mýs og menn, Á sama tíma að ári og Bastarðar. Boðið er upp á sérlega mörg ný íslensk leikverk þetta leikár. Ragnar Bragason þreytir frumraun sína í leikritun, Jón Atli Jónasson sendir frá sér nýtt leikrit og þrjú ung og kraftmikil leikskáld verða kynnt til sögunnar. Stóra sviðið...