Author: lensherra

Hin nýstofnaða Ópera Vestfjarða frumsýnir sitt fyrsta verkefni núna á fimmtudag. Það er óperettueinleikurinn „Eitthvað sem lokkar og seiðir…“. Verkið fjallar um söng- og leikkonuna Sigrúnu Magnúsdóttur, sem nefnd hefur verið „óperettudrottning Íslands“. Það er Elfar Logi Hannesson sem samdi verkið og er jafnframt leikstjóri sýningarinnar. Óperusöngkonan Sigrún Pálmadóttir bregður sér í ýmis gervi óperettudrottningarinnar og flytur mörg þeirra laga sem gerðu hana fræga á sínum tíma, m.a. úr óperettunum Nitouche, Brosandi land, Leðurblökunni o.fl. Píanóleikarinn Beáta Joó sér um meðleikinn á píanóið. Óperettueinleikurinn verður frumsýndur fimmtudaginn 17. september kl.20.00 í Hömrum á Ísafirði. Önnur sýning verður laugardaginn 19....

Leikritið Í hjarta Hróa hattar eftir David Farr í uppfærslu Vesturports verður frumsýnt á stóra sviði Þjóðleikhússins laugardaginn 12. september kl. 19.30 . Gleymdu öllu því sem þú þykist vita um Hróa hött! – Hér er goðsögunni um þennan fræga útlaga snúið á hvolf í magnaðri nýrri leiksýningu, sem hefur nú þegar slegið í gegn beggja vegna Atlantshafsins. Í þessari nýju sýningu úr smiðju Vesturports, Þjóðleikhússins og Royal Shakespeare Company ræna Hrói höttur og hinir miskunnarlausu liðsmenn hans hvern þann sem vogar sér inn í Skírisskóg, án þess að gefa nokkuð til hinna fátæku. Hér er það hin hugrakka...

Tjarnarbíó kynnir með stolti fyrstu samstarfssýningu leikársins. Leikhópurinn Háaloftið frumsýnir leikverkið Lokaæfingu eftir Svövu Jakobsdóttur á afmælisdegi höfundar 4. október. Uppsetningin er hluti af lestrarhátíð Bókmenntaborgar sem í ár er tileinkuð Svövu og hennar verkum. Hjón á fertugsaldri loka sig af vikum saman niðri í heimatilbúnu neðanjarðarbyrgi. Fullkomin einangrun afhjúpar tilveru þeirra og smám saman mást út mörk raunveru og ímyndunar. Umgjörð verksins er hið sára hlutskipti manneskjunnar að vera í stöðugri leit að öryggi í ótryggum og hættulegum heimi, en fyrst og fremst er staða og samskipti kynjanna, átök og ávinningar hjónabandsins, hlutskipti tveggja einstaklinga sem ákveða að...

Frumuppfærsla á Íslandi á bresku verki eftir Söru Kane, 4:48 Psychosis, sem frá því það var frumsýnt árið 2000 hefur vakið gríðarlega athygli og umtal víða um heim. Frumsýnt í Kúlunni 10. september kl. 19.30. Munið ljósið og trúið á ljósið Augnablikið heiðskírt rétt fyrir eilífa nótt ekki láta mig gleyma Verk leikskáldsins Söruh Kane (f. 1971) einkennast af hatrammri baráttu hennar við alvarlegt þunglyndi en hún svipti sig lífi árið 1999. 4:48 Psychosis er kveðjukoss hennar til leiklistarinnar sem hún hafði tekið ástfóstri við. Í örvæntingu rökræðir sál á mörkum lífs og dauða réttlætingu þess að taka eigið...

Dansverk um Bríeti Bjarnhéðinsdóttur – aðeins þrjár sýningar 4., 10. og 13. september. Dansverkið Bríet var nýlega frumsýnt á Reykjavík Dance Festival við frábærar viðtökur og heldur nú áfram í Tjarnarbíó. Athugið að verkið verður aðeins sýnt þrisvar sinnum og því ekki gott að fresta miðakaupum! Verkið er samið til heiðurs Bríeti Bjarnhéðinsdóttur kvenréttindakonu. Það er byggt á ævi Bríetar en innblásturinn hefur mest megnis verið sóttur í hennar persónulegu sögur, auk heimilda um afrek hennar innan kvenréttindabaráttunnar. Höfundur verksins er Anna Kolfinna Kuran í samstarfi við færar listakonur. Notast er við hreyfingar, tónlist, texta og söng til að miðla...