Author: lensherra

Leikfélag Norðfjarðar frumsýnir söngleikinn um Benedikt búálf eftir Ólaf Gunnar Guðlaugsson í Egilsbúð laugardaginn 3. október. Leikstjóri er Guðmundur Lúðvík Þorvaldsson. Dídí mannabarn rekur augun í Benedikt, þar sem hann stendur nakinn, en með handklæði um sig miðjan, í einu horninu á herbergi hennar – en búálfar eru aðeins sýnilegir mannabörnum þegar þeir eru blautir. Benedikt er nýkominn úr baði. Örlög búálfa eru með þeim ósköpum að þegar þeir lenda í þeim hremmingum að verða mannabörnum sýnilegir, þá ráða mannabörnin hvað verður um þá. Dídí og Bendedikt fara saman til álfheima og lenda í ýmsum ævintýrum. Frumsýning laugardaginn 3....

Leikhópurinn Háaloftið frumsýnir leikverkið Lokaæfingu eftir Svövu Jakobsdóttur á afmælisdegi höfundar 4. október. Uppsetningin er hluti af lestrarhátíð Bókmenntaborgar sem í ár er tileinkuð Svövu og hennar verkum. Hjón á fertugsaldri loka sig af vikum saman niðri í heimatilbúnu neðanjarðarbyrgi. Fullkomin einangrun afhjúpar tilveru þeirra og smám saman mást út mörk raunveru og ímyndunar. Umgjörð verksins er hið sára hlutskipti manneskjunnar að vera í stöðugri leit að öryggi í ótryggum og hættulegum heimi, en fyrst og fremst er staða og samskipti kynjanna, átök og ávinningar hjónabandsins, hlutskipti tveggja einstaklinga sem ákveða að deila saman sjálfskipaðri útlegð, sú saga sem...

Þjóðleikhúsið frumsýnir þann 10. október á Stóra sviðinu leikritið Heimkomuna eftir nóbelsverðlaunaskáldið Harold Pinter í leikstjórn Atla Rafns Sigurðarsonar leikara og leikstjóra en það er einmitt afmælisdagur leikskáldsins Harolds Pinters. Óhætt er að segja að einvalalið íslenskra leikara fari með helstu hlutverk í sýningunni. Ingvar E. Sigurðsson leikur slátrarann Max en Ingvar hefur síðustu vikur fengið feykigóða dóma fyrir leik sinn í stórmyndinni Everest eftir Baltasar Kormák. Auk Ingvars leika í sýningunni Eggert Þorleifsson, Björn Hlynur Haraldsson, Ólafur Egill Egilsson, Snorri Engilbertsson og Vigdís Hrefna Pálsdóttir. Harold Pinter lést árið 2008 en hann fékk Nóbelsverðlaunin í bókmenntum árið 2005. Hann er eitt þekktasta nútímaleikskáld Breta og var...

Miðvikudaginn 30. september verður leikverkið Mæður Íslands frumsýnt hjá Leikfélagi Mosfellssveitar. Mæður Íslands er nýtt, íslenskt leikverk, þar sem sagan er sögð frá sjónarhorni konunnar, móðurinnar og dótturinnar. Leikverkið er unnið út frá frásögnum og sögum um íslenskar konur, líf þeirra, tilfinningar, hvernig þær hafa áhrif á aðra og hvernig aðrir upplifa þær. Verkefnið er unnið með „divised“ aðferð, þar sem unnið með leikhópnum og leikararnir skapa og skrifa leikverkið ásamt leikstjóra, en þó innan ákveðins ramma. Tónlistin er einnig samin sérstaklega fyrir verkið. Mæður Íslands er krefjandi, ögrandi og öðruvísi leikverk, þar sem fjallað er á einlægan hátt um alvöru tilfinningar...

Fimmtudaginn 1. október kl. 20 mun Leikfélag Reykjavíkur frumsýna á Litla sviði Borgarleikhússins nýtt íslenskt verk, Sókrates eftir Berg Þ. Ingólfsson og Kristjönu Stefánsdóttur í leikstjórn Rafael Bianciotto og Bergs Þórs Ingólfssonar. Egill Ingibergs gerir leikmynd og lýsingu en Kristjana Stefánsdóttir samdi tónlistina. Leikarar eru Kristín Þóra Haraldsdóttir, Maríanna Clara Lúthersdóttir, Bergur Þór Ingólfsson og Kristjana Stefánsdóttir. Trúðar Borgarleikhússins hafa fært okkur dásamlegar sýningar. Við höfum séð þá glíma við dauðasyndir og jólaguðspjallið. Nú ætla þeir að tækla heimspekina og taka Sókrates sér til fyrirmyndar og spyrja og spyrja og spyrja þangað til við komumst að minnsta kosti skrefi nær...