Author: lensherra

Leikdeild Ungmennafélags Stafholtstungna frumsýnir hinn sívinsæla farsa Einn koss enn og ég segi ekki orð við Jónatan, föstudaginn 31. mars. Í verkinu sem er eftir Marc Camoletti, segir frá Jónatan sem heldur við þrjár flugfreyjur sem allar starfa hver hjá sínu flugfélaginu. Þegar flugfélögin fá sér hraðskreiðari þotur fer skipulagið úr skorðum og Jónatan á fullt í fangi með að halda sjó með aðstoð Dísu ráðskonu sinnar og æskufélagans Róberts sem óvænt kemur í heimsókn. Sex leikarar taka þátt í sýningunni en leikstjóri er Hörður Sigurðarson. Æfingar hafa staðið síðan í byrjun febrúar en frumsýnt verður næstkomandi föstudag eins og...

Leikfélag Menntaskólans að Laugarvatni frumsýnir söngleikinn Kongung ljónanna föstudaginn 24 mars. Þetta er leikgerð, byggð á kvikmyndinni Lion King með auka söngvum úr Lion King 2, sem og nokkrir, gripnir annar staðar frá. Tónlistin er eftir Elton John, en Lou Reed á þar einnig lög. Handrits og textahöfundar eru margir, en megnið af þýðingunni kemur frá Ólafi Hauki Símonarsyni. Sýningin er farandsýning og verður sýnd víða á Suðurlandi, auk einnar sýningar í Félagsheimili Seltjarnarness. Leikstjóri er Guðjón Sigvaldason. Sýnt verður í; Aratungu 24. mars kl 20.00 Aratungu 25. mars kl 20.00 Aratungu 26. mars kl 14.00 Þingborg 28. mars...

Leikfélag Hofsóss frumsýnir gamanleikinn Maður í mislitum sokkum eftir Arnmund Backman í Höfðaborg á Hofsósi föstudaginn 24. mars kl. 20:30. Leikstjóri er Þröstur Guðbjartsson. Leikritið fjallar um eldri konu sem dag einn finnur mann í framsætinu á bílnum sínum þegar hún kemur úr búðinni. Þar sem maðurinn hefur misst minnið og veit ekkert hver hann er, hvað þá að hann rati heim, tekur konan á það ráð að taka hann með sér heim.  Þar reynir hún að fela hann fyrir forvitnum augum nágrannanna en ekki verður þó hjá því komist að hennar helstu vinir komist að leyndarmálinu. Og eins...