Author: lensherra

Um þessar mundir fagnar Leikfélag Selfoss 60 ára afmæli og stendur félagið fyrir afar glæsilegri dagskrá á afmælisárinu. Stífar æfingar standa nú yfir á aðalsýningu leikársins sem er fjölskyldugamanverkið Glæpir og góðverk í leikgerð Sigrúnar Valbergsdóttur, byggt á leikriti Anton Delmar. Verkið segir frá þremur hjartagóðum systrum sem erfa húsnæði eftir bróður sinn. Systurnar þrjár þrá aðeins það eitt að hjálpa náunganum með smá aðstoð frá almættinu, skiptir þá engu hver sá náungi er og koma þær sér þannig jafnan í spaugilegar aðstæður. Einn af þeim er Breki Brjánn Búason eða Breyskur, fyrrverandi fangi sem systurnar skjóta skjólshúsi yfir...

Á Höfn í Hornafirði standa yfir æfingar á leikverkinu Ronja Ræningjadóttir eftir Astrid Lindgren. Leikstjóri er Stefán Sturla Sigurjónsson. Leikverkið er sett upp í samstarfi Leikfélags Hornafjarðar, Leikhóps FAS og Tónskóla Austur-Skaftafellssýslu. Framhaldsskólinn í Austur-Skaftafellssýslu (FAS) hefur nýverið bætt við Lista- og menningarsviði við skólann og unnu nemendur á þeirri braut hugmyndavinnu, skilgreiningarvinnu og handrit leikverksins. Margir nemendur Lista- og menningarsviðs FAS leika í verkinu.  Stefán Sturla leikstjóri  hafði umsjón með vinnu nemenda og frágang handrits. Frumsýningadagur er 3. mars...

Leikfélag VMA frumsýnir Ávaxtakörfuna eftir Kristlaugu Maríu Sigurðardóttur og Þorvald Bjarna Þorvaldsson í Menningarhúsinu Hofi 11. febrúar nk. Hið sígilda barnaleikrit Ávaxtakarfan fer á fjalirnar í Hofi í febrúar. Leikfélag Verkmenntaskólans á Akureyri hefur síðustu ár verið með metnaðarfullar uppsetningar og er þessi sýning sú stærsta til þessa. Nokkrar áherslubreytingar verða í sýningunni, miðað við fyrri uppfærslur á verkinu, og má þar nefna að grænu bananarnir eru tveir og auk þeirra eru fimm mandarínur sem langar óskaplega mikið að vera með öllum hinum í ávaxtakörfunni. Fimmtán leikarar koma fram í sýningunni en alls koma um sextíu manns að henni...

Leikdeild Skallagríms frumsýnir leikritið 39 og ½ vika eftir Hrefnu Friðriksdóttur þann 16. febrúar næstkomandi. Hrund Ólafsdóttir leikstýrir. Miðasala hefst 1. febrúar og kostar miðinn 3000 kr. Hægt er að panta miða í síma 8462293 eða á leikdeildskalla@gmail.com. Posi og veitingasala á staðnum. Félagið er á snapchat og þar er hægt að fylgjast aðeins með æfingum hjá hópnum, leitið að leikdeildskalla á snapchat. Svo er hægt að skoða facebook síðuna okkar: https://www.facebook.com/leikdeildskalla...

Halaleikhópurinn frumsýnir leikritið Maður í mislitum sokkum eftir Arnmund Backman í leikstjórn Þrastar Guðbjartssonar föstudaginn 2. feb. nk. Leikritið fjallar um ekkju sem býr í eldriborgara blokk. Dag einn er hún kemur út úr Bónus situr ókunnur maður í farþegasætinu i bílnum hennar. Maðurinn veit ekki hvað hann heitir, hvar hann býr eða hvert hann er að fara en hann er í mislitum sokkum. Af ótta við almenningsálitið ákveður ekkjan að taka hann með sér heim. Vinkonur hennar og eiginmenn þeirra fléttast inn í málið með tilheyrandi vandræðagangi. Úr þessu tvinnast síðan kostuleg og bráðskemmtileg atburðarás með litríkum karakterum,...