Year: 2011

Mánudagskvöldið 28. febrúar kl. 20 verður haldinn í Tjarnarbíói, kynningar- og umræðufundur Leiklistarsambands Íslands og aðildarfélaga um Íslandstofu og rannsóknina um stöðu Skapandi greina sem kynnt var 1. desember sl. Þar gefst tækifæri fyrir sviðslistafólk að fá að vita meira um rannsóknina og næstu skref í kjölfar hennar og kynna sér stefnumótun hins nýja vettvangs Íslandsstofu, í þágu listanna. Dagskrá: Íslandstofa – hlutverk hennar gagnvart listunum Kolbrún Halldórsdóttir, forseti BÍL og stjórnarmaður í Íslandsstofu. – Hvaða erindi á Íslandsstofa við sviðslistir og sviðslistir við Íslandstofu? Hlutur sviðslistanna í stóru rannsókninni Margrét Sigrún Sigurðardóttir, forstöðukona Rannsóknastofu í skapandi greinum við...

Vegna mikillar aðsóknar hefur verið bætt við einni aukasýningu á Helgi dauðans og verður hún laugardaginn 26. febrúar kl. 20.00. Aðeins verður þessi eina aukasýning og því um að gera að tryggja sér miða í tíma.Helgi dauðans er nýtt íslenskt leikrit eftir Sigríði Láru Sigurjónsdóttur í leikstjórn Rúnars Lund og Sigurðar H. Pálssonar. Í Helgi dauðans beinir höfundur sjónum sínum að veruleika íslenskra háskólanema sem reyna eftir fremsta megni að feta einstigið milli lærdóms og skemmtunar, þó skemmtunin verði óvart lærdómsríkari en gott þykir. Raktir eru atburðir einnar helgar á heimili þriggja ungmenna, tvíburanna Birtings og Ninnu og vinkonu...

Leikfélag Mosfellssveitar fagnar í ár 35 ára starfsafmæli sínu. Af því tilefni  verður sýningin Allskonar Elvis, frumsýnd föstudaginn 18. febrúar.  Sýningin, sem er samin af Maríu Guðmundsdóttur, leikhópnum öllum í samstarfi við leikstjóra er unnin úr hugmyndum um kónginn sjálfan, Elvis Presley, en er þó langt frá því að vera ævisaga hans. Fjöldi manns kemur að sýningunni bæði leikarar, dansarar, söngvarar og hljóðfæraleikarar eða um 50 manns. Leikstjóri er Ingrid Jónsdóttir og um tónlistina sjá Birgir Haraldsson og Hljómsveitin 66.   Við hvetjum alla til að kíkja í leikhús Mosfellinga og njóta frábærrar kvöldstundar sem kitlar hláturkirtlana. Nánari upplýsingar...

Í gær var tilkynnt hvaða atvinnuleikhópar fá styrki frá Menntamálaráðuneytinu árið 2011. Alls sóttu 67 aðilar um styrki til 85 verkefna auk sex umsókna um samstarfssamninga. Á fjárlögum 2011 eru alls 58,4 millj. kr. til starfsemi atvinnuleikhópa. Af þeirri upphæð renna 4 millj. kr. til skrifstofu Sjálfstæðu leikhúsanna skv. ákvörðun Alþingis. Samtals er úthlutað til einstakra verkefna 53,1 millj.kr. Í leiklistarráði eru Guðrún Vilmundardóttir, formaður, skipuð án tilnefningar, Jórunn Sigurðardóttir, tilnefnd af Leiklistarsambandi Íslands og Hera Ólafsdóttir, tilnefnd af Bandalagi sjálfstæðra leikhúsa.   Eftirtaldir aðilar fengu styrk: Sviðslistahópurinn 16 elskendur / Ylfa Ösp Áskelsdóttir o.fl. 8.000 þús. kr. til...