Sjö gyðingabörn, leikrit fyrir Gaza í Borgarleikhúsinu

Sjö gyðingabörn, leikrit fyrir Gaza í Borgarleikhúsinu

Sjö gyðingabörn leikrit fyrir Gaza,  er nýtt 10 mínútna leikrit eftir Caryl Churchill, sem frumsýnt var í Royal Court leikhúsinu í London í febrúar síðastliðnum. Churchill skrifaði leikritið nú í janúar í kjölfar átakanna á Gaza. Verkið birtir okkur sjö svipmyndir sem eiga sér stað á mismunandi tímum í sögunni.
 
Höfundurinn setur þau skilyrði fyrir sviðsetningu verksins að aðgangur sé ókeypis og að eftir hverja sýningu verði söfnun.  Allt fé sem safnast rennur beint til læknishjálpar á Gaza. Það er fátítt að leikhús bregðist svo skjótt við heimsviðburðum en Borgarleikhúsið er þriðja leikhúsið sem setur verkið á svið. 

Sjö gyðingabörn leikrit fyrir Gaza, hefur vakið upp mjög sterk viðbrögð og miklar umræður í Bretlandi. Sýningar verða á Stóra sviði Borgarleikhússins og eru kvöldsýningarnar í beinu framhaldi af leiksýningunni Milljarðamærin snýr aftur. Eins og áður segir þá er aðgangur ókeypis og opinn öllum, en eftir sýningu býðst áhorfendum að leggja fé í sjóð sem rennur til læknishjálpar í Palestínu (Medical Aid Palestine – MAP)

Einnig er hægt að leggja inn á söfnunarreikning nr: 0137–05–060043 – kt: 190577-3769

Sýningardagar:
Fimmtudaginn 26. mars kl. 22.45.
Sunnudaginn 29. mars kl. 15.00 og 22.45.

Leikarar:
Ásta Sighvats Ólafsdóttir               
Bergur Þór Ingólfsson       
Harpa Arnardóttir               
Ilmur Kristjánsdóttir       
Jóhanna Jónas                   
Ólafía Hrönn Jónsdóttir       
Páll Sigþór Pálsson               
María Ellingsen       
Sólveig Arnarsdóttir               
Sólveig Guðmundsdóttir
Unnur Ösp Stefánsdóttir

Listrænir stjórnendur:
Leikstjóri: Graeme Maley
Þýðandi: Jón Atli Jónasson
Tónlist: Brian Docherty
Ljósahönnun: Kári Gíslason
Búningar: Eva Vala Guðjónsdóttir   
Hljóð: Ólafur Örn Thoroddsen

{mos_fb_discuss:2}
0 Slökkt á athugasemdum við Sjö gyðingabörn, leikrit fyrir Gaza í Borgarleikhúsinu 403 24 mars, 2009 Allar fréttir mars 24, 2009

Áskrift að Vikupósti

Karfa