Nývirki hjá Freyvangsleikhúsinu

Nývirki hjá Freyvangsleikhúsinu

Haustverkefni Freyvangsleikhússins 2011 verður frumsýnt föstudaginn 7. október kl. 20:00 í Freyvangi. Að þessu sinni er um að ræða stuttverkasýninguna Nývirki þar sem frumflutt verða 9 verk eftir 8 höfunda í leikstjórn 5 félagsmanna í Freyvangsleikhúsinu. 16 leikarar fara með hlutverkin og a.m.k. 7 aðstoðarmenn sjá um búninga, leikmuni, lýsingu, hljóð, sviðsmynd, miðasölu, afgreiðslu o.s.frv.

Óhætt er að segja að verkin komi hvert úr sinni áttinni og umfjöllunarefni þeirra eru ólík, allt frá skoðun á samskiptum kynjanna og eðli ástarinnar yfir í vangaveltur um blekkinguna, kúgun, yfirvald, fordóma, sannleikann og jafnvel tilveruna sjálfa. Nývirki er talsvert frábrugðin þeim sýningum sem Freyvangsleikhúsið hefur ráðist í fram að þessu og vonum við að áhorfendum líki vel þessi nýbreytni.

Þetta er í þriðja sinn sem lagt er af stað með haustverkefni en það hefur þann tilgang að gefa félagsmönnum tækifæri til að koma að fleiri þáttum í leikhússtarfinu en hægt er í aðalsýningu vetrarins, s.s. leikstjórn, ljósahönnun, sviðshönnun, skrifum o.s.frv. með það að markmiði að auka fjölbreytni í starfsemi félagsins og gefa sem flestum tækifæri til að spreyta sig á því sem helst vekur áhuga þeirra. Meiri aðsókn var á haustverkefnið í fyrra en fyrsta árið og það er von okkar að enn fleiri sjái ástæðu til að kíkja á okkur í þetta skiptið.

Miðaverði er stillt í hóf, eða einungis 1.500,- kr. og hægt er að panta miða á freyvangur.net eða í síma 857 5598 milli 17 og 19. Stefnt er að því að sýna út október.

Barinn og sjoppan opin meðan á sýningum stendur.

{mos_fb_discuss:2}

0 Slökkt á athugasemdum við Nývirki hjá Freyvangsleikhúsinu 201 06 október, 2011 Allar fréttir október 6, 2011

Áskrift að Vikupósti

Karfa