Í byrjun október hefst leiklistarnámskeið á vegum Leikfélags Kópavogs sem ætlað er nýliðum og fólki með minni leikreynslu. Farið verður í ýmis grunnatriði sviðsleiks og áhersla lögð á praktíska nálgun.
Leiðbeinandi á námskeiðinu er Hörður Sigurðarson sem kennt hefur á svipuðum námskeiðum hjá leikfélaginu undanfarin ár.
Námskeiðið verður 18 klst. í heildina, 3 klst. í senn í 6 skipti og aldurstakmark er 21 árs. Námskeiðsgjald er 10.000 kr. fyrir utanfélagsmenn en skráðir félagsmenn greiða 2.500 kr.
Athugið að skráning í félagið er öllum opin gegn 2.500 kr. félagsgjaldi. Sjá nánar hér.
Námskeiðið hefst mánudaginn 2. október og eru námskeiðstímar sem hér segir:
Mán. 2. okt. kl. 19.00-22.00
Fim. 5. okt. kl. 19.00-22.00
Lau. 7. okt. kl. 10.00-13.00
Mán. 9. okt. kl. 19.00-22.00.
Fim. 12. okt. kl. 19.00-22.00
Lau. 14. okt. kl. 10.00-13.00
Hægt er að ganga frá skráningu hér.
