Leiklistarlíf fyrir vestan

Leiklistarlíf fyrir vestan

Leiklistin er víðar en á höfuðborgarsvæðinu. Á Vestfjörðum rekur Elvar Logi Hannesson Kómedíuleikhúsið sem hefur sett upp fjölda áhugaverðra leiksýninga undanfarin ár. Það er þó ekki allt, því Elvar Logi er einnig að skrá leiklistarsöguna. Hann gaf út Leiklist á Bíldudal fyrir nokkrum árum og er nú að gefa út bókina Leiklist á Þingeyri.

Þar rekur hann á fróðlegan og ferskan hátt hina einstöku leiklistar- og listasögu Þingeyrar. Fer reyndar víðar því allur Dýrafjörðurinn er undir enda fall vötn öll þangað hvort heldur er í listinni eða lífinu. Leiklist og list á Þingeyri verður prýdd fjölda mynda frá hinu öfluga leiklistar- og listalífi Þingeyrar og Dýrafjarðar.

Leiklist og list á Þingeyri kemur út í október og verður fáanleg hjá Kómedíuleikhúsinu, Bandalagi íslenskra leikfélaga sem og í bókaverslunum um land allt. Hægt er að tryggja sér bókina á sérstöku forsölutilboði aðeins 2.900.- krónur. Fullt verð er 3.500.- krónur og gildir tilboðið til 10. október Pantanir berist á netfang Kómedíuleikhússins komedia@komedia.is.

Myndin að ofan er úr leiksýningunni Háttvirtur herra þjónn sem sýnd var upp úr 1960. Sú að neðan er úr leiksýningunni Vekjaraklukkunni. Á Facebook-síðu bókarinnar er að finna margar skemmtilegar myndir af leiklistarlífinu á Þingeyri frá fyrri tíð.

0 Slökkt á athugasemdum við Leiklistarlíf fyrir vestan 176 10 september, 2019 Allar fréttir, Fréttir, Vikupóstur september 10, 2019
Admin notice: (?)
Image banner widget selected to be displayed on Show on all categories. Homepage view is disabled on advanced settings. You can change display options under Advanced settings on widget panel.

Áskrift að Vikupósti

Karfa