Jakob S. Jónsson

Jakob S. Jónsson

Búsettur í Reykjavík
Sími: 862 86 24

Netfang: jakob.jonsson@gmail.com

Leiklistarnám hjá Þórunni Magneu Magnúsdóttur 1971-72. Stúdent frá MH 1977. Las leikhús- og kvikmyndafræði og barna- og unglingabókmenntir við Stokkhólmsháskóla 1978-86 og bókmenntir og þjóðfræði við HÍ 1982-84. Sótti námskeið í leikritun hjá Dramatiska Institutet 1986 og 1995/6. Jakob hefur starfað sem dagskrárgerðarmaður hjá RÚV, lýðháskólakennari, þýðandi, leikhústæknimaður, leikstjóri, leikskáld, verkefnisstjóri (leikhús- og menningarverkefni, m.fl.) og listrænn stjórnandi.

Jakob hefur skrifað fjölda verka fyrir áhugaleikhús í Svíþjóð, flest með sögulegu ívafi og nokkur verk fyrir atvinnuleikhús í Jönköping í Svíþjóð. Jakob starfaði sem leiklistarkennari hjá Lýðháskólanum að Sörängen í Svíþjóð á árunum 1996-2001. Hann hefur auk þess haldið fjölda námskeiða í leiklist og leikritun, nú síðast í tengslum við uppsetningu hans á Svefnlausa brúðgumanum hjá Leikfélagi Sauðárkróks.

Meðal leikstjórnarverkefna Jakobs hjá áhugafélögum og í skólum á Íslandi á árunum 1979-81 má nefna: Saumastofan (Leikklúbbi Laxdæla), Þið munið hann Jörund (Litla leikfélagið), Gullfiskarnir (Litla leikfélagið), Markólfa (Leikfélag Stykkishólms), Pókók (Leikdeild UMFÍ Borgarnesi), Bubbi kóngur (Gagnfræðaskóli Mosfellssveitar). Árið 2011 setti Jakob upp Svefnlausa brúðgumann hjá Leikfélagi Sauðárkróks. Meðal leikstjórnarverkefna hjá áhugamönnum og í skólum í Svíþjóð 1993-2010 má nefna: Farväl Mansikki, Ronja ræningjadóttir, Cabaret, Á rúmsjó, Happdrættið, Amor og Psyke, Hans og Gréta, Prinsessutár, Teaterresan, Den stora festen, Hughie. Þá hefur Jakob skrifað og leikstýrt götuleiksýningum með ungmennum í Jönköping. Jakob hefur einnig starfað sem verkefnisstjóri (jafnframt leikstjórn og handritsskrifum) við fjölda verkefna með áhugamönnum í Svíþjóð.

Jakob býður upp á námskeið fyrir áhugamenn í leiklist, leikritun og framleiðslu leiksýninga.

0 Slökkt á athugasemdum við Jakob S. Jónsson 401 01 júní, 2011 Leikstjóralisti - Gamall júní 1, 2011

Áskrift að Vikupósti

Karfa