Hernámsdagurinn á Reyðarfirði

Hernámsdagurinn á Reyðarfirði

Hinn árlegi Hernámsdagur verður haldinn á Reyðarfirði helgina 29. júní til 1. júlí. Leikfélag Reyðarfjarðar mun taka virkan þátt í ár eins og áður en að þessu sinni verður boðið upp á gönguferð um Búðareyri þar sem félagar í Leikfélaginu munu endurskapa andblæ stríðsáranna. Fer gangan fram á milli kl. 14 og 15 þann 30. júní. Lagt verður upp frá Bræðsluhúsinu á Reyðarfirði og er hún þátttakendum að kostnaðarlausu.

Sunnudaginn 1. júní , á Hernámsdaginn sjálfan, stendur Leikfélag Reyðarfjarðar í samstarfi við sönghópinn Fjarðadætur síðan fyrir kvöldvöku í Félagslundi á Reyðarfirði. Fer þar fram skemmtidagskrá í anda stríðsáranna með tilheyrandi, söng, dansi og ærslum. Höfundur leikþátta er Gunnar Ragnar Jónsson. Söngtexta samdi Helgi Seljan og undirleik annast Daníel Arason.

Skemmtunin hefst kl: 21:00 og að henni lokinni verða gömlu dansarnir rifjaðir upp. Aðgangseyrir er:  500 kr. fyrir alla sem mæta í klæðnaði í anda hernámsáranna.  1.500 kr. fyrir fullorðna. 1,000 kr.  fyrir börn eldri en 12 ára, eldri borgara og öryrkja.  Börn 12 ára og eldri eru velkomin í fylgd með fullorðnum.

0 Slökkt á athugasemdum við Hernámsdagurinn á Reyðarfirði 275 25 júní, 2012 Allar fréttir júní 25, 2012

Áskrift að Vikupósti

Karfa