Fundargerðir stjórnar BÍL

Stjórnarfundur: 30.06.2023 kl. 15:00  Staður: Skrifstofa BÍL – zoom

Fundarmenn:

Ólöf Þórðardóttir, Anna María Hjálmarsdóttir, Gísli Björn Heimisson, Jónheiður Ísleifsdóttir, Hanna Margrét Kristleifsdóttir, Lilja Guðmundsdóttir, Fanney Valsdóttir, Bjarklind Þór, Hörður Sigurðarson, frkv.stj.

Fundargerð:

1. Ólöf setti fund og ákveðið var að fara yfir nokkur mál áður en úthlutun hefst
2. Farið var yfir fund með ráðherra sem haldinn var 15. júní síðastliðinn og Hörður og Ólöf fór á fyrir hönd BÍL. Ráðherra hóf fundinn með því að lýsa yfir óánægju með ályktun aðalfundar og sagðist hafa orðið fyrir vonbrigðum en eftir útskýringar og yfirferð á tölum frá okkur kom annað hljóð í strokkinn. Viðurkenndi ráðherra í lok fundar að þetta hefðu verið harkaleg viðbrögð og dró þau til baka. Sú hugmynd var viðruð að BÍL myndi deila húsnæði með Sviðslistamiðstöð en sameining að öðru leiti er ekki á dagskrá. Engu var lofað en málið verður skoðað og eigum við von á að heyra frá þeim fljótlega. Ráðherra vill einnig halda mótttöku í sambandi við Neatafund sem verður hér í Október.
3. Rætt um nýliðinn Leiklistarskóla Bandalagsins sem fór fram í blíðskaparveðri á Reykjum þetta árið og tókst vel undir nýjum skólastýrum. Tekið var á öllum hnökrum í samskiptum við nýja rekstraraðila jafn óðum og rúllaði skólinn áfram eins og venjulega. Skólanefnd mun í framhaldi fara betur yfir könnun frá nemendum og ræða framhaldið.
4. Skipuð verður 3 manna nefnd fyrir stuttverkahátíð í sambandi við næsta aðalfund. Framkvæmdastjóri, Jóhanna frá Freyvangi og einhver sem Jóhanna myndi fá með sér. Einnig voru viðraðar hugmyndir um að gott að væri að fá yfirlit yfir props og leikmynd sem yrði hægt að nota þegar fólk kæmi á staðinn og eins yrði sett upp einfalt ljósaplan sem allir gætu nýtt. Tímamörk á þáttum gætu verið 5-15 mínútur.
5. Samþykkt að fara yfir úthlutunarreglur á næsta stjórnarfundi og sjá hvort hægt sé að skýra þær og skerpa, einnig gæti verið þörf á að uppfæra upphæðir styrkja fyrir námskeið og skólafólk.
6. Skrifað var undir beiðni um yfirdrátt í Arion.
7. Farið var yfir nokkur mál varðandi Neata
   1. Neata hátíðin verður 29. Júlí – 4. ágúst 2024 í Þrándheimi.
   2. Undirbúningur er hafin fyrir Barnaleikhúsfestival en unnið er að fjármögnun og ekki komin dagsetning á verkefnið.
   3. Hörður mun senda á okkur skjalið “How does Neata work today” en verið er að vinna og móta framtíðarsýn Neata í fundaröðinni sem fram fer á næstu mánuðum.
   4. Hugmynd hefur komið upp um að hafa Neata Youth námskeið í Bandalagsskólanum og er því hér með beint til skólanefndar að fjalla um það mál og einnig að athuga hvort það er einhver flötur á því að taka þátt í Neata Workshop day 21. október næstkomandi þar sem hugmyndin er að hvert land sjái um stutt workshop online sem allir geta tekið þátt í.
   5. Búið er að búa til RBN (recognized by Neata) logo sem hægt er að nota í samstarfsverkefnum innan Neata.
8. Úthlutun:
   Alls bárust umsóknir frá 28 leikfélögum vegna 49 leiksýninga og -þátta og 15 námskeiða. Niðurstaða úthlutunar er að styrkur fyrir leiksýningu 80 mín. eða lengri er 443.805 kr. Styrkur á mínútu er 5.548 kr. Frumflutningsálag (30%) er 136.283 kr. og álag fyrir sérstakt frumkvæði (20%) er 90.855 kr.  Styrkur er veittur vegna 49 leiksýninga- og þátta og 13 námskeiða og skiptist sem hér segir: