Leikdeild Umf. Grettis á Laugarbakka í Miðfirði í samstarfi við Leikhópinn á Hvammstanga setti upp rokkóperuna Súperstar síðustu páska í Félagsheimilinu Hvammstanga. Þátttakendur sem voru allir heimamenn voru 38 talsins og var sýnt fyrir fullu húsi í fimm skipti. Ákveðið var að setja upp áhorfendapalla með því að stafla upp 600 vörubrettum svo að allir sæu vel til sviðs. Leikstjóri var Siguður Líndal Þórisson sem er nýfluttur í heimahaga sína eftir 20 ára búsetu í London.
Alls var áhorfendafjöldi um 900 manns og tókust sýningar mjög vel.
