Stjórnarfundur: 14.06.2026 kl. 10:00 Staður: Kleppsmýrarvegur og Zoom
Fundarmenn:
Ólöf Þórðardóttir, Hanna Margrét Kristleifsdóttir, Sigrún Tryggvadóttir, Brynhildur Sveinsdóttir, Halla Rún Tryggvadóttir, Anna María Hjálmarsdóttir, Daði Freyr Þorgeirsson, Fanney Valsdóttir, Hörður Sigurðarson, frkv.stj.
Fundargerð:
Ólöf byrjar á að fara yfir nokkra punkta frá aðalfundinum í Keflavík.
1. Framlengja skipan starfsráðs – margir hópar ræddu það. En þau í starfshópnum eru til í að vera áfram.
2. Skólinn tvisvar á ári. Í ár er mikill áhugi en það er ekki alltaf. Frekar að nýta sér að vera með tækninámskeið á hverju svæði fyrir sig, í húsnæði einhvers leikfélags.
3. Ólöf leggur til að Sigrún útbúi bréf, til að senda til stjórna félaganna og bjóða kannski upp á fund með stjórnum félaganna. Hvað getur stjórn BÍL og þjónustumiðstöðin gert fyrir ykkar leikfélag? Stefnum á að hafa málþing um skólann og fleiri mál eftir sumarfrí.
4. Þjóðleikhúsið – halda fund með Þjóðleikhúsinu og þeim leikfélögum sem hafa farið á undanförnum árum. Hörður ætlar að hafa frumkvæði að því að hafa samband við þau félög sem hafa farið og svo við Þjóðleikhúsið.
5. Drög til umsagnar um sviðslistastefnuna. Hörður ætlar að vinna umsögn um sviðslistastefnuna og senda á okkur. Það þarf að gera fyrir 1. júlí nk.
Úthlutun:
Sérstakt frumkvæði
Samkvæmt hefð fær Leikfélag Húsavíkur frumkvæðisstyrk vegna vals Þjóðleikhússins á Athyglisverðustu áhugaleiksýningu ársins.
Leikfélagið Hugleikur fær frumkvæðisstyrk vegna verksins Fjöllin vakna, þar sem þau verða fulltrúar Íslands á NEATA hátíðinni í Eistlandi.
26 leikfélög sendu inn umsókn fyrir 82 leiksýningar og leikþætti. Styrkur er veittur vegna 79 sýninga og þátta. Fullur styrkur er 928.742 kr. Styrkur er veittur vegna 33 nemenda í skólann. Styrkur er veittur vegna 18 námskeiða. Fullur listi með tillögum að úthlutun verður sendur í félagapósti innan skamms.
Styrkur á fjárlögum 2026 er 30.4 m.kr. Við bætast 11 m.kr. sem geymdar voru frá fyrra ári og í pottinum eru því 41.4 m.kr. Skvt. ákvörðun aðalfundar 2025 var ákveðið að til Þjónustumiðstöðvar rynnu 4 m.kr. fyrir árin 2026 og 2027 og gengið út frá því að ekki verði um framlag af styrkjum að ræða af úthlutun næsta árs.
Tillögur stjórnar til ráðuneytis um skiptingu styrkja:
| Félag | Heildarstyrkur |
| Freyvangsleikhúsið | 2.362.027 |
| Halaleikhópurinn | 1.227.365 |
| Leikdeild UMF Biskupstungna | 928.742 |
| Leikdeild UMF Eflingar | 928.742 |
| Leikfélag Dalvíkur | 708.166 |
| Leikfélag Eyrarbakka | 316.933 |
| Leikfélag Fjallabyggðar | 928.742 |
| Leikfélag Flateyrar | 1.207.365 |
| Leikfélag Fljótsdalshéraðs | 928.742 |
| Leikfélag Hólmavíkur | 928.742 |
| Leikfélag Hörgdæla | 1.350.491 |
| Leikfélag Hornafjarðar | 1.207.365 |
| Leikfélag Húsavíkur | 1.207.365 |
| Leikfélag Hveragerðis | 1.538.045 |
| Leikfélag Keflavíkur | 2.088.405 |
| Leikfélag Kópavogs | 6.119.306 |
| Leikfélag Mosfellssveitar | 2.092.484 |
| Leikfélag Norðfjarðar | 464.371 |
| Leikfelag Sauðárkróks | 1.857.484 |
| Leikfélag Selfoss | 2.676.259 |
| Leikfélag Sólheima | 437.670 |
| Leikfélag Vestmannaeyja | 928.742 |
| Leikfélagið Hugleikur | 1.901.599 |
| Leikfélagið Lauga | 928.742 |
| Leikflokkur Húnaþings vestra | 1.207.365 |
| Litli leikklúbburinn | 928.742 |
| Þjónustumiðstöð BÍL | 4.000.000 |
Breytingar á úthlutunarreglum til að skýra þær betur
Námskeið:
1. Námskeið haldið af leikfélagi, 12-29 klst. – kr. 20.000.
2. Námskeið haldið af leikfélagi, 30 klst. og yfir – kr. 40.000.
3. Styrkur til leikfélags vegna þátttöku í Leiklistarskóla BÍL, pr. nemanda – kr. 15.000 svo fremi styrkurinn sé 20.000 kr. pr. nemanda eða hærri.
Samstarfsverkefni:
Ef félag setur upp leiksýningu í samstarfi við önnur félög eða stofnanir ber að skila uppgjöri sýningar með sundurliðun á tekjum og gjöldum hvors aðila. Veittur er 50% styrkur fyrir samstarfssýningar. Þetta gildir frá og með leikárinu 2025-26.
Fleira ekki rætt.
Fundargerð ritaði Halla Rún Tryggvadóttir
