Í tengslum við aðalfund Bandalags íslenskra leikfélaga dagana 29. apríl til 1. maí verður haldin einþáttungahátíð í Bæjarleikhúsinu í Mosfellsbæ. Hefst hún kl. 14. föstudaginn 29. apríl og stendur fram á kvöld eftir því þátttaka leyfir. Öll aðildarfélög Bandalagsins eru eindregið hvött til að taka þátt í hátíðinni.
Þátttökuskilyrði eru eftirfarandi:
– Hámarkslengd leikþátta er 30 mínútur.
– Umgjörð sýninga skal vera eins einföld og framast er unnt.
– Ef heildarlengd sýninga fer yfir tímamörk hátíðarinnar verða þau félög sem senda flesta þætti beðin um að fækka þeim.
– Frestur til að tilkynna þátttöku leikþátta á hátíðinni rennur úr 15. apríl.
Umsóknareyðublöð verða send út með aðalfundarboði í lok mars.
{mos_fb_discuss:3}
