Category: Fréttir

Leikfélag Selfoss sýnir um þessar mundir Skilaboðaskjóðuna eftir Þorvald Þorsteinsson í leikstjórn Gunnars Inga Gunnsteinssonar. Frumsýnt var 27. febrúar við mikinn fögnuð áhorfenda og virðist ekkert lát verða þar á, því það hefur verið nánast uppselt á allar sýningar síðan þá. Sýningar verða um helgar í mars og apríl í Litla leikhúsinu við Sigtún. Í Skilaboðaskjóðunni segir frá Putta og Möddumömmu sem búa í Ævintýraskóginum, þar sem öll ævintýrin gerast og dvergarnir sinna mikilvægum störfum. Þegar Nátttröllið rænir Putta til að breyta honum í tröllastrák, sameinast allir íbúar skógarins um að bjarga honum áður en sólin sest á bakvið...

Leikfæélag Kópavogs frumsýnir Síðasta partýið eftir Aðalstein Jóhannsson fimmtudaginn 12. mars. Síðasta partýið í blokkinni hefur verið haldið. Íbúarnir eru missáttir við þá ákvörðun og upp hefst leynimakk sem fljótlega fer úr böndunum. En hver er ástæðan fyrir því að það verða ekki fleiri partý? Er það brotni sófinn, bilaði glugginn á baðherberginu eða merkingarnar á póstkössunum? Eða er það dularfulli fornleifafræðingurinn? Og hvaðan kom þessi frjósemisstytta? Inn í atburðarásina dragast húsverðir, dyraverðir, stílistar, kaffibaristur, kaupglaðar konur og aðrir virkir og óvirkir partýpinnar sem öll eiga það sameiginlegt að vera í leit að hamingjunni í einhverju formi. Síðasta partýið er...

Kómedíuleikhúsið og Í einni sæng frumsýna gamanleikinn Heilsugæsluna í Tjarnarbíó í kvöld, fimmtudaginn 12. mars. Um er að ræða hápólitískan gamanleik eftir Lýð Árnason lækni. Leikurinn stingur vissulega á ýmsum kýlum heilbrigðiskerfisins sem snertir okkur öll og er án vafa heitasta kartafla samfélagsins. Formið er tvíleikur þar sem leikararnir Elfar Logi Hannesson og Rakel Björk Björnsdóttir bregða sér í öll hlutverkin, lækna sem sjúllanna, sjúklinganna sum sé en alls koma 13 persónur við sögu. Ádeila er hluti af verkinu, mörgum steinum velt og upp vakna spurningar eins og  hvort heilbrigðiskerfið sé eins gott og af er látið, er það...

Leikfélag Hornafjarðar frumsýnir leikritið Gleðilega hátíð! laugardaginn 14. mars í Mánagarði. Sýningin er bráðskemmtilegur gamanleikur þar sem allt sem mögulegt getur fer á versta veg. Í henni fylgjum við litlu leikfélagi á frumsýningardegi frá helvíti. Tæknivandræði, brókarsótt og tengdamömmur setja strik í reikninginn, en blessast þetta að lokum? Verkið er samsköpunarverk úr smiðju leikhópsins. Leikverkið er einnig það hundraðasta sem Leikfélag Hornafjarðar setur upp. Leikstjóri er Birna Jódís Magnúsdóttir. Höfundar tónlistar og texta eru Björg Catherine Blöndal og Þorkell Ragnar Grétarsson. Aron Martin Ásgerðarson leiddi handritsvinnu og var listrænn ráðgjafi. Svandís Dóra Einarsdóttir var einnig listrænn ráðgjafi í ferlinu....

Fimmtudagskvöldið 5. mars kl. 20:00 frumsýnir Leikfélag Hörgdæla glæpsamlega gamanleikinn Átta konur, eftir Robert Thomas á Melum í Hörgársveit. Fögur eiginkona, tvær ungar og óstýrilátar dætur, aðþrengd mágkona, gráðug tengdamamma, dularfull ráðskona og kynþokkafull þjónustustúlka. Húsbóndinn sjálfur liggur sofandi í rúmi sínu uppi á lofti. Eða hvað? Þegar sjö villtar konur eru samankomnar og sú áttunda bætist í hópinn getur allt gerst! Glæpsamlegur gamanleikur með söngvum og dansi! Franska leikskáldið Robert Thomas (1927-1989) var einkum þekktur fyrir það að tvinna saman með góðum árangri form sakamálaleikrita og léttra gamanleikja. Þegar leikritið Átta konur var sýnt í París árið 1961...

Námsskrá Leiklistarskóla BÍL sumarið 2026 hefur nú verið birt. Boðið verður upp á 4 spennandi námskeið að þessu sinni; Leiklist I, Sérnámskeið í leikritun, Improv-námskeið og Complete Vocal Technique. Kennarar verða þau Ágústa Skúladóttir, Karl Ágúst Úlfsson, Gríma Kristjánsdóttir og Þórhildur Örvarsdóttir.         Allar nánari upplýsingar um námskeiðin og skólann er að finna...

Freyvangsleikhúsið setur á svið gamanleikinn Tom, Dick og Harry eftir Ray Cooney og son hans Michael Cooney, í þýðingu Harðar Sigurðarsonar. Leikstjóri er Ólafur Jens Sigurðsson. Frumsýnt verður 20.febrúar og sýnt verður um helgar fram í apríl. Leikverkið segir frá hjónunum Tom og Lindu en þau eiga von á konu frá ættleiðingar skrifstofunni. Bræður Toms þeir Dick og Harry eru ekki alveg skörpustu hnífarnir í skúffunni og eru þeir með allskonar ráðabrugg og hugmyndir til þess að einfalda lífið, bæði fyrir sjálfa sig sem og fyrir Tom og Lindu. Inn í þetta fléttast svo ýmsar persónur sem flækja málin....

Þrek og tár, eitt af ástsælustu verkum Ólafs Hauks Símonarsonar verður á fjölunum hjá leikdeild Umf. Eflingar á Breiðumýri í vetur. Leikstjóri er María Pálsdóttir og tónlistarstjóri Pétur Ingólfsson. Verkið er söngleikur sem fjallar um líf söngelskrar kaupmannsfjölskyldu í Vesturbænum á sjöunda áratugnum. Í verkinu koma fyrir þrjár kynslóðir fjölskyldunnar en saga sonarins Davíðs er rauði þráðurinn sem leiðir okkur í gegnum verkið og fléttast ýmis vinsæl lög frá þessum tíma inn í leikritið s.s. Þrek og tár, Í rökkurró og fleiri. Lífið er þó e.t.v. ekki allt dans á rósum og má finna ýmis siðferðileg álitamál inn á...

Litli leikklúbburinn frumsýndi farsann Beint í æð eftir Ray Cooney, í þýðingu Gísla Rúnars Jónssonar, í Edinborgarhúsinu á Ísafirði um helgina. Sýningar verða áfram nú í febrúar. Beint í æð er klassískur farsi eins og þeir gerast bestir: Leyndarmál, misskilningur á misskilning ofan og allt á suðupunkti. Alls koma um 30 manns að uppsetningunni og þar af eru 10 leikarar. Leikstjóri er Birgitta Birgisdóttir, en þetta er í fyrsta sinn sem hún leikstýrir hjá LL. Birgitta hefur þó áður leikstýrt á Ísafirði, hjá Leikfélagi Menntaskólans á Ísafirði, svo hún er öllum hnútum kunnug í Edinborgarhúsinu. Sýningar standa yfir frá...

Fræðsludeild Þjóðleikhússins mun standa fyrir tækninámskeiðum dagana 21. og 22. febrúar þar sem farið verður yfir helstu atriði er varða ljósa- og hljóðtækni. Námskeiðíð er ætlað ljósa- og hljóðmönnum áhugaleikhúsa, félagsmiðstöðva, framhaldsskóla og þeirra sem vinna með ljós og hljóð á öðrum vettvangi. Þátttakendur þurfa að hafa náð 17 ára aldri og hafa eitthvað fengist við ljósa- og hljóðvinnu áður.  Námskeiðið verður kennt í Þjóðleikhúsinu og leiðbeinendur er tæknimenn Þjóðleikhússins. Námskeiðin sem standa dagana 21. og 22. febrúar. fara fram sem hér segir: Laugardagur 21. febrúar – Ljós – 09:30 – 12:30 og 13:30-15:00 Sunnudagur 22. febrúar – Hljóð...

Leikfélag Selfoss hefur hafið æfingar á Skilaboðaskjóðunni eftir Þorvald Þorsteinsson í leikstjórn Gunnars Gunnsteinssonar.  Frumsýnt verður í lok febrúar og verða sýningar um helgar í mars og apríl. Í Skilaboðaskjóðunni segir frá Putta og Möddumömmu sem búa í Ævintýraskóginum, þar sem öll ævintýrin gerast og dvergarnir sinna mikilvægum störfum. Þegar Nátttröllið rænir Putta til að breyta honum í tröllastrák, sameinast allir íbúar skógarins um að bjarga honum áður en sólin sest á bakvið sólarlagsfjall. En nornin, úlfurinn og stjúpan vilja ekki vera með og þá eru góð ráð dýr. Skilaboðaskjóðan er ævintýrasöngleikur byggður á samnefndri bók Þorvaldar sem kom út árið 1986 og naut mikilla vinsælda. Söngleikurinn var frumsýndur á stóra sviði Þjóðleikhússins í nóvember árið 1993 í leikstjórn Kolbrúnar Halldórsdóttur og sló í gegn. Jóhann G. Jóhannsson, tónlistarstjóri Þjóðleikhússins, samdi tónlist fyrir verkið við texta Þorvaldar og vorið 1994 kom út geisladiskur með tónlistinni í flutningi leikara og hljómsveitar leikhússins. Skilaboðaskjóðan er ævintýri fyrir...

Leiklistarskóli BÍL stendur fyrir námskeiði í leikhúsförðun dagana 24.-25. janúar 2026. Kennari er Ásta Hafþórsdóttir sem er einn fremsti förðunarmeistari landsins og þótt víðar væri leitað. Kennt verður í húsnæði Reykjavík Makeup School að Krókhálsi 6 í Reykjavík. Námskeiðið hefst laugardaginn 24. janúar og lýkur sunnudaginn 25. janúar. Námskeiðin hefjast kl. 10.00 hvorn dag og standa til 16.00. Gert ráð fyrir 45 mín. hádegishléi. Lögð verður áhersla á helstu atriði í grunnförðun í leikhúsi fyrri daginn en seinni daginn fá nemendur að þeim þáttum sem þeir helst kjósa. Meðlimir aðildarfélaga Bandalagsins hafa forgang að námskeiðinu en opið verður fyrir...