Author: lensherra

Íslenska Óperan frumsýnir sunnudaginn 5. febrúar Öskubusku eftir ítalska tónskáldið Gioacchino Rossini við texta  eftir Jacopo Ferretti. Öskubuska er reglulega á fjölum helstu óperuhúsa víðsvegar um heiminn, en þetta er í fyrsta skipti sem hún er sett upp hér á landi. Leikstjóri er Paul Suter og hljómsveitarstjóri er Kurt Kopecky. Söguþráður óperunnar byggir á ævintýrinu velþekkta um Öskubusku. Í óperunni er það reyndar vondi stjúpfaðirinn Don Magnifico og hégómlegu dætur hans tvær, Clorinda og Tisbe, sem gera Öskubusku lífið leitt. Það er svo heimspekingurinn Alidoro sem kemur í stað álfkonunnar góðu og sér til þess að Öskubuska komist á dansleikinn í höllinni. Eins og í mörgum góðum óperum eru það dulargervin sem gegna mikilvægu hlutverki í óperunni Öskubusku. Prinsinn Ramiro og þjónninn Dandini hafa skipti á hlutverkum. Stjúpsysturnar Clorinda og Tisbe eru því uppteknar af því að koma sér í mjúkinn hjá þjóninum, sem er dulbúinn sem prinsinn, á meðan Öskubuska og hinn raunverulegi prins, dulbúinn sem þjónn, fella hugi saman. Á dansleiknum í höllinni lætur Öskubuska prinsinn fá annað af tveimur armböndum sínum og segir honum að leita sig uppi og ef hann elski sig enn, þá verði hún hans. Þegar prinsinn finnur Öskubusku kemst upp hver er hinn sanni prins og verða Don Magnifico og dætur hans æf af reiði, þegar hann tilkynnir að Öskubuska sé hans útvalda.  Þau vísa henni á bug þegar hún reynir að...

Eldhús eftir máli, leikgerð Völu Þórsdóttur á sex smásögum Svövu Jakobsdóttur, hefur heldur betur  fengið góðar viðtökur hjá áhorfendum. Nú hefur verið ákveðið að framlengja sýningartímabil verksins út febrúar og hafa nú hvorki fleiri né færri en 18 sýningar verið settar í sölu en uppselt er nú þegar á margar þeirra. Að öllum líkindum er þetta Þjóðleikhúsmet, ef ekki Íslandsmet, í fjölda sýninga á einum mánuði. Leikstjórinn Ágústa Skúladóttir og leikhópurinn Aino Freyja Järvelä, Kjartan Guðjónsson, Margrét Vilhjálmsdóttir, María Pálsdóttir, Unnur Ösp Stefánsdóttir og Þórunn Lárusdóttir, skapa skemmtilega sýningu sem höfðar jafnt til ungra sem aldinna. Sunnudagskvöld með Svövu; fyrirlestur, kvöldverður, leiksýning og umræður, hafa einnig slegið í gegn og nú hefur verið bætt við tveimur fyrirlestrarkvöldum; þann 19. febrúar verður Soffía Auður Birgisdóttir með fyrirlesturinn Goðsögur í fortíð og samtíð og þann 26. febrúar er röðin komin að Dagnýju Kristjánsdóttur með Leigjendur hjá...

Nemendamótssöngleikur Verslunarskóla Íslands, Á tjá og tundri verður frumsýndur þann 2. febrúar n.k.. Á undanförnum árum hafa þessir söngleikir skapað sér varanlegan sess í leikhúslífi borgarinnar og hvað eftir annað slegið í gegn. Nú hafa Verslókrakkarnir fengið aftur til liðs við sig Gunnar Helgason en hann gerði þrjár af vinsælustu Verslósýningunum fyrir nokkrum árum; Thriller, Wake me up og Slappaðu af. Nú semur hann verkið sjálfur jafnframt því að leikstýra. Verkið fjallar um ungt par sem er að gifta sig þegar þrír af nánustu aðstandendum þeirra standa upp og mótmæla því að athöfnin fari fram. Hvað er þá til ráða? Það verður úr að allir gestirnir fara í veisluna og reyna að ráða fram úr því af hverju í ósköpunum þessi staða kom upp. Allir opna sig og margur óþægilegur sannleikurinn er leiddur í ljós. Hver fór í sleik við hvern hvenær? Mega mömmur segja kynlífsreynslusögur? Mega pabbar fara á hausinn? Hvernig var fyrsti kossinn? Fyrsta kynlífreynslan? Hvenær má vera afbrýðisamur og hvenær ekki? Hvert leyndarmálið af öðru er afhjúpað og aðeins ást þeirra hjónaleysanna getur komið í veg fyrir algjöra upplausn. Lögin í sýningunni koma héðan og þaðan, íslensk og erlend en öll eiga þau það sameiginlegt að vera fyrsta flokks. Dansatriðin eru einhver þau glæsilegustu sem sést hafa hjá Versló enda eru þær Birna og Guðfinna Björnsdætur sem semja þá en þær hafa samið dansa við flesta...

Í tilefni af því að 250 ár eru liðin frá  fæðingu Wolfgangs Amadeusar Mozart 27. jan. 2006. sýnir Nemendaópera Söngskólans í Reykjavík óperu hans Töfraflautuna í Iðnó í Reykjavík. Frumsýning er 27. jan. kl. 20 Töfraflautan er ein þekktasta og vinsælasta ópera allra tíma. Í einsöngshlutverkum eru 17 af nemendum háskóladeilda Söngskólans í Reykjavík, ásamt 18 manna kór nemenda á mið- og framhaldsstigum skólans. Sibylle Köll leikstýrir verkinu og semur dansa, Iwona Ösp Jagla annast tónlistarundirbúning og leikur á píanó í sýningunni, en á töfraflautuna leikur Guðrún Birgisdóttir. Stjórnandi er Garðar Cortes. Töfraflautan er ævintýri sem höfðar jafnt til ungra sem aldinna; um prins og prinsessu, skrýtna og skemmtilega mannfugla, vonda drottningu og góða anda. Hún er um baráttu góðs og ills, þar sem hið góða sigrar að lokum. Aðrar sýningar: 28. jan. kl. 15 29. jan. kl. 15 30. jan. kl. 20 Sýningartími er um 2.5 klst. Nánar má fræðast um Töfraflautuna og flytjendur á...

Leikfélag Hafnarfjarðar vinnur nú að uppsetningu á barnaleikritinu Hodja fra Pjort eftir danska snillinginn Ole Lund Kirkegaard. Það eru Þórunn Gréta Sigurðardóttir og Ingvar Bjarnason sem vinna leikgerðina í samvinnu við leikstjórann Ármann Guðmundsson og leikhópinn. Um búninga og gerfi sér Dýrleif Jónsdóttir. Fjórtán leikarar taka þátt í sýningunni. Frumsýnt verður um miðjan mars í gamla Lækjarskóla. Hodja býr í borginni Pjort en þráir að fá að skoða heiminn. Hann fær tækifæri til þess þegar hann hitir gamlan teppasala, el Faza, sem lánar honum fljúgandi teppi. Hann flýgur til höfuðborgarinnar Pettó þar sem hann lendir m.a. í klónum á Rottunni og kemst upp á kant við sjálfan soldáninn. En Hodja deyr ekki ráðalaus. Reyndar deyr hann bara alls ekki, þótt soldáninn vilji láta höggva af honum...