Author: lensherra

Ertu 18-25 ára og hefur áhuga á söngleikjum? Ef svarið er já, þá býður Vest-norræna ungmennaráðið til söngleikjanámskeiðs í Færeyjum í sumar. Ungmennum á aldrinum 18-25 ára frá Íslandi, Færeyjum og Grænlandi, 5 frá hverju landi, er boðið til námskeisins sem haldið verður dagana 12.-19. júlí 2006. Aðal kennari verður Margrét Eir, söngkona frá íslandi. Þátttökugjald er 1.500 danskar krónur. Það innifelur ferðir, uppihald og kennslu. Tungumálin sem notuð verða á námskeiðinu verða danska (skandinavíska) og enska. Umsóknir um þátttöku sendist til Ungmennafélags Íslands, www.umfi.is, netfang umfi@umfi.is fyrir 20. maí...

Leikritið Fiskar á þurru landi eftir Árna Ibsen sem Leikfélag Hólmavíkur hefur verið að æfa undanfarnar vikur var frumsýnt um páskana. Frumsýning var á skírdag, 13. apríl, og einnig voru sýningar laugardaginn 15. apríl og á annan í páskum, mánudaginn 17. apríl. Þessar þrjár fyrstu sýningar fóru allar fram í Bragganum á Hólmavík. Leikstjóri er Kolbrún Erna Pétursdóttir. Með hlutverk í sýningunni fara Gunnar B Melsted, Úlfar Örn Hjartarson, Rúna Stína Ásgrímsdóttir og Jóhanna Ása Einarsdóttir. Nokkrar félagar í leikfélaginu koma svo að vinnu við sviðsmynd, búninga, leikskrá, förðun og önnur tilfallandi verk sem tilheyra svona uppsetningu. Eins og venjulega hugar Leikfélagið svo á leikferðir með verkið, en leikfélagið er þekkt fyrir hversu víðförult þar er. Hér í nágrenninu er hugmyndin að fara í Króksfjarðarnes, Drangsnes, Árneshrepp og á Hvammstanga, en ætlunin er líka að heimsækja Ketilás, Bolungarvík, Þingeyri og Mosfellsbæ og sýna þar. Næsta sýning verður að Ketilási í Fljótum í Skagafirði laugardaginn 22. apríl og hefst hún klukkan...

Margmiðlunar-, söng- og leiksýningin The Big Cry verður sýnd í Kassanum miðvikudaginn 12. apríl nk. kl. 21:00. Verkið, sem er gestasýning í Þjóðleikhúsinu, verður einungis sýnt þrisvar sinnum. Höfundur og flytjandi er Margrét Sigurðardóttir. Er það ekki stundum dásamlega ógnvænlegt að tipla alveg út á brún þar sem allt getur gerst. Að finna hjartað slá svo fast að það hristir líkamann og sálina.Og stundum, að láta sig detta og treysta því að vindurinn grípi mann. Sem hann gerir alltaf, á einhvern undarlegan hátt. The Big Cry var óformlega frumsýnd í London 2004. Í apríl sl. var hún sýnd í Hafnarhúsinu en að þessu sinni verða þrjár sýningar í Kassanum í Þjóðleikhúsinu, 12., 19. og 20. apríl. The Big Cry hefur hlotið mjög góðar viðtökur áhorfenda. Um er að ræða blöndu af kvikmyndabrotum, sem er varpað á tvo skjái, og lifandi jazztónlist. Skyggnst er inn í líf nokkurra persóna sem reyna að fóta sig í óstöðugri tilveru með ýmist dramatískum eða skondnum afleiðingum. Við sögu koma m.a. storkar, hátíska og bökunardrottning. Höfundur og flytjandi er sem fyrr segir Margrét Sigurðardóttir. Margrét útskrifaðist með láði frá Royal Academy of Music í júlí 2004 þar sem hún hlaut viðurkenningar fyrir námsárangur; Foundation Awards og DipRam Awards. Margrét stundaði klassískt söngnám í Royal Academy en hefur þó ekki einskorðað sig við þá tegund tónlistar. Meðal verkefna hennar eru Barbarina í Brúðkaupi Figarós í...