Author: lensherra

Viltu finna milljón?

Opinn samlestur í Borgarleikhúsinu.   Nú eru að hefjast æfingar í Borgarleikhúsinu á óborganlegum farsa sem hefur fengið nafnið Viltu finna milljón? Gamanleikurinn verður frumsýndur á Nýja sviði Borgarleikhússins í maí. Landslið grínara situr nú og les sjóðheitt, nýútprentað handritið í þýðingu Gísla Rúnars Jónssonar. Leikarar eru: Eggert Þorleifsson, Helga Braga Jónsdóttir, Marta Nordal, Þórhallur Sigurðsson (Laddi), Bergur Þór Ingólfsson, Gunnar Hansson og Theodór Júlíusson. Leikstóri er Þór Tulinius. Verkið heitir á frummálinu Funny money og er eftir Ray Cooney, verkið hefur farið sigurför um Evrópu og Ameríku síðan það var frumsýnt í London 1994.  Ray Cooney er að góðu kunnur íslenskum áhorfendum en gleðileikurinn “Með vífið í lúkunum”  í leikstjórn Þórs Tulinius, var sýnt tvö leikár í röð fyrir fullu húsi í Borgarleikhúsinu. Opin samlestur á Viltu finna milljón? verður haldinn mánudaginn 20.mars á Nýja sviði Borgarleikhússins  kl. 12:30 og eru allir áhugasamir velkomnir. Við þetta tækifæri mun Guðjón Pedersen leikhússtjóri kynna væntanlega hláturhátíð sem verður í Borgareikhúsinu í maí. Aðgangur...

Read More

Nunnulíf í Vestmannaeyjum

Leikfélag Vestmannaeyja frumsýnir laugardaginn 18. mars leikritið Nunnulíf sem byggt er á kvikmyndinni Sister Act. Leikstjóri er Laufey Brá Jónsdóttir, kórstjóri er Helga Jónsdóttir. Sýnt er í Bæjarleikhúsinu. Sister Act hefur aldrei verið sett upp á leiksviði og var undirbúningsvinnan því þó nokkur.  Ásamt leikstjórastöðu tók Laufey Brá að sér handritsgerð og galdraði hún fram handrit með guðs hjálp á ótrúlega stuttum tíma. Útkoman er Nunnulíf, stórskemmtilegt leikrit sem fléttar saman lífi reglusystra og hinu harða lífi undirheimanna. Leikritið fjallar í stuttu máli um söngkonu á næturklúbbi, Díönnu Díor, sem verður vitni að hræðilegum glæp.  Hún leitar aðstoðar lögreglu sem ákveður að fela hana í klaustri á meðan rannsókn á málinu fer fram.  Mikil togstreita á sér stað hjá söngkonunni og lífið í klaustrinu tekur óvænta stefnu.   Leikfélag Vestmannaeyja og Framhaldsskólinn í Vestmannaeyjum standa saman að þessari uppsetningu en svona samstarf hefur verið ríkjandi undanfarin ár.  Stór hluti leikara eru nemendur í skólanum og er þessi vinna metin til eininga. Æfingar hafa staðið yfir í um 6 vikur og er Helga Jónsdóttir kórstjóri hópsins. Sýningar fara fram í Bæjarleikhúsinu. Frumsýning laugardaginn 18. mars kl. 20:00 2. sýning föstudaginn 24. mars kl. 20:30 3. sýning laugardaginn 25. mars kl. 20:00 Miðasala í síma...

Read More

Frumsýning í Frumleikhúsinu

Leikfélag Keflavíkur í samvinnu við Vox Arena, leikfélag fjölbrautaskóla Suðurnesja, vinna nú saman að nýju verkefni.  Verkefnið, sem hlotið hefur nafnið: "KEFLAVÍK, ÍSLAND, ALHEIMURINN eða MAMMA ÞÍN" verður frumsýnt í Frumleikhúsinu föstudaginn 17. mars, kl 20:00.  Leikritið er unnið á all sérstakan hátt en það er leikhópurinn sjálfur sem býr til verkið.  Að sögn Alexöndru, formanns Vox Arena, skoðar leikritið lífið í Keflavík, á Suðurnesjum og lífið almennt, á ansi sérstæðan hátt. Kjarni efnisins er unnin upp úr viðtölum við fólk, bæði af Suðurnesjum og annars staðar frá en hópurinn tók sér leyfi til að snúa út úr öllum upplýsingum sem það hafði og jafnvel snúa staðreyndunum á hvolf ef svo bar undir. Tónlistin í verkinu er einnig öll frumsamin og umræður um útgáfu á geisladiski með lögum úr verkinu standa nú yfir. Frumsýning er á föstudaginn 17.mars kl. 20 og 2. sýning sunnudaginn 19. mars kl. 20. Upplýsingar um sýningartíma og miðapantanir eru í síma 421-2540. Einnig er hægt að fylgjast með á vef leikfélagsins...

Read More

Kláus frumsýnir Rítu í Iðnó

Sunnudaginn 19. mars mun leikhópurinn Kláus frumsýna gamanleikinn Ríta eða „Educating Rita“ eftir Willy Russell í Iðnó. Með hlutverk Rítu fer Margrét Sverrisdóttir og prófessor Frank leikur Valgeir Skagfjörð. Um leikstjórn og þýðingu verksins sér Oddur Bjarni Þorkelsson. Flestir þekkja söguna af Rítu, en hún fjallar í stuttu máli um unga konu sem er orðin leið á tilbreytingarlausri tilveru sinni og ákveður að athuga hvort ekki megi fá meira úr lífinu en vinnu og kvöld á pöbbnum með manninum. Hún skráir sig á bókmenntakúrs hjá langdrukknum og lífsleiðum prófessor og hefur það ófyrirséðar afleiðingar… Fimmtudagskvöldið 16. mars verður forsýning þar sem miðaverð er aðeins 1.000 kr. Um hönnun og leikmynd verksins sér Jóhannes Dagsson. Fyrstu sýningar verða sem hér segir; Fimmtudagur 16. mars – forsýning kr. 1000 Sunnudagur 19. mars – frumsýning Fimmtudagur 23. mars – 2. sýning Sunnudagur 26. mars – 3. sýning Allar sýningar hefjast klukkan 20:00 og miðverð er krónur 2500. Miðapantanir í síma 5629700 og við innganginn. Einnig á...

Read More

Kardemommubærinn fyllir Freyvangsleikhúsið

Freyvangsleikhúsið frumsýndi Kardimommubæinn í Freyvangi þann 25 febrúar sl. fyrir fullu húsi og Eyjafjörðurinn skartaði sínu fegursta; svona eins og til að vera með í tímalausu, sólríku umhverfi Kardimommubæjarins. Sesselja Traustadóttir var á staðnum. Leikstjórinn, Sunna Borg, velur sígilda leið að Kardimommubænum sem flestir kannast líklega best við af áralangri hlustun á útgáfu Þjóðleikhússins á verkinu. Sunna Borg opnar okkur bæinn með markaðstorg fyrir miðju sviðinu. Þar er bakarinn, pylsugerðarmaðurinn, hús Soffíu frænku sýnileg og dýrasalinn heldur til í ósýnilegu bakhúsi. Þarna er sporvagninn á sínu spori og bæjarvitringurinn Tóbías heldur til í turninum og segir til um veðrið....

Read More

Opnunartímar

Monday - Friday: 9:00 — 13:00, Saturday - Sunday: Closed

Vörur