Author: lensherra

Síðustu vikurnar hafa Hugleikur og Leikfélag Kópavogs sýnt leikritið Bingó eftir Hrefnu Friðriksdóttur í Hjáleigunni í Félagsheimili Kópavogs. Nú standa þar fyrir dyrum stórframkvæmdir, sem fela meðal annars í sér að Hjáleigan verður rifin. Ljóst er að það þarf að aflýsa nokkrum áður auglýstum sýningum á Bingó. Sýningar falla niður frá og með 3. maí. Mánudaginn 30. apríl verður sýnt eins og áður hefur verið auglýst. Þriðjudaginn 1. maí og miðvikudaginn 2. maí verða svo aukasýningar. Athugið: aðeins verður sýnt þessi þrjú kvöld! Lokasýning er 2. maí. Miðapantanir eru á hugleikur.is og í síma 823...

Þá er komið að hinu árlega vali Þjóðleikhússins á Athyglisverðustu áhugaleiksýningu ársins. 10 verk hafa sótt um að koma til greina að þessu sinni. Valið verður að venju tilkynnt á hátíðarkvöldverði á aðalfundi Bandalags íslenskra leikfélaga, sem að þessu sinni verður haldið á Hallormsstað. Helmingur verkanna sem í ár koma til greina er frumsaminn. Við minnum á umræðuþráðinn neðst í fréttinni, og hvetjum menn til að tjá sig um málið. Sýningarnar sem sótt var um að kæmu til greina í ár eru: Stúdentaleikhúsið Examinasjón í leikgerð og leikstjórn Guðjóns Þorsteins Pálmarssonar. Hugleikur og Leikfélags Kópavogs Bingó eftir Hrefnu Friðriksdóttur...

Laugardaginn 28. apríl n.k. verður lokasýning á ævintýraverkinu "Þið munið hann Jörund" í félagsheimilinu á Hólmavík. Reiknað er með gargandi stemmingu þetta kvöld og fullu húsi gesta. Áhugasömum er þess vegna bent á að panta miða á sýninguna í síma 865-3838. Í tilefni dagsins vill Leikfélagið bjóða einn frían drykk með hverjum keyptum miða. Geta gestir valið úr nokkrum tegundum gosdrykkja til að svala þorstanum og þeir sem eru orðnir 20 ára hafa einnig val um léttan eða venjulegan bjór. Kvennakórinn Norðurljós selur kaffi, svala og gómsætt bakkelsi í hléinu. Gestum sem koma lengra að, er bent á að...

Leikfélag Sauðárkróks frumsýnir gamanleikinn Sex í sveit eftir Marc Camoletti í Bifröst á Sauðárkróki sunnudaginn 29. apríl kl. 21:00. Ensk leikgerð er eftir Robin Howdon, íslenskun og staðfæring er eftir Gísla Rúnar Jónsson en leikstjórn er í höndum Jóns Stefáns Kristjánssonar. Verkið er sett upp í tilefni að Sæluviku á Sauðárkróki, en leiksýningar í Sæluviku eiga sér rúmlega 100 ára sögu. Söguþráðurinn er í stórum dráttum sá að maður okkur býður viðhaldinu sínu með í sumarbústað, en þegar smátt og smátt fer að fjölga í bústaðnum taka málin glænýja og óvænta stefnu og hafa nokkuð ófyrirsjáanlegar afleiðingar. Hlutverk sexmenninganna...

Leikfélag Ölfuss sýnir Einn koss enn og ég segi ekki orð við Jónatan eftir Marc Camoletti í leikgerð Sigurðar Atlasonar, í Þjórsárveri, næstkomandi sunnudag, þann 29. apríl. Sýningin hefst klukkan 16. Miðapantanir í síma 664-6454. Miðar verða einnig seldir við innganginn klukkustund fyrir sýningu. Leikritið fjallar um kvennamanninn Jónatan sem heldur við þrjár flugfreyjur sem vinna eftir föstum áætlunum sem ekki skarast. Þegar nýjar hljóðfráar þotur eru teknar í notkun fer skipulagið í vaskinn og leikurinn að æsast. Leikstjóri verksins er Hörður Sigurðarson. Sex leikarar eru í sýningunni. Þeir eru Arnar Gísli Sæmundsson, Ásta Margrét Grétarsdóttir, Helena Helgadóttir, Hulda...