Author: lensherra

Leikfélag Ölfuss í Þorlákshöfn er komið á fulla ferð. Félagið frumsýnir næstkomandi sunnudagskvöld gamanleikinn Einn koss enn og ég segi ekki orð við Jónatan eftir Marc Camoletti í leikgerð Sigurðar Atlasonar. Leikritið fjallar um kvennamanninn Jónatan sem heldur við þrjár flugfreyjur sem vinna eftir föstum áætlunum sem ekki skarast. Þegar nýjar hljóðfráar þotur eru teknar í notkun fer skipulagið í vaskinn og leikurinn að æsast. Leikstjóri verksins er Hörður Sigurðarson. Sýnt er í Versölum í Þorlákshöfn. Leikfélag Ölfuss í Þorlákshöfn er komið á fulla ferð. Félagið frumsýnir næstkomandi sunnudagskvöld gamanleikinn Einn koss enn og ég segi ekki orð við...

Leikfélag Akureyrar leitar að börnum á aldrinum 7–14 ára til að leika við hlið atvinnuleikara í fyrstu frumsýningu haustsins 2007. Þar er á ferðinni fjölskylduleikritið Óvitar eftir Guðrúnu  Helgadóttur í leikstjórn Sigurðar Sigurjónssonar. Jón  Ólafsson semur nýja tónlist fyrir sýninguna og stýrir hljómsveit. Skráning í áheyrnarprufurnar fer fram í leikhúsinu á Akureyri, föstudaginn 20. apríl milli kl. 14 og 15. Áheyrnarprufur fara svo fram 5. og 6. maí n.k.   Gríðarlegur leikhúsáhugi á Norðurlandi Ljóst er að mikill leikhúsáhugi er meðal ungra Eyfirðinga og nærsveitarmanna sem sést best á gríðarlegri þátttöku í leiklistarnámskeiðum sem boðið hefur verið upp á...

Þjóðleikhúsið stendur fyrir kynningu á Sædýrasafninu, nýju leikriti eftir frönsku skáldkonuna Marie Darrieussecq, í Leikhúskjallaranum laugardaginn 21. apríl kl. 15:00. Dagskráin er einn af viðburðum í Viku bókarinnar og liður í frönsku menningarkynningunni Pourquoi Pas – Franskt vor á Íslandi.    Sædýrasafnið er nýtt leikrit sem hin þekkta franska skáldkona Marie Darrieussecq hefur skrifað sérstaklega fyrir Þjóðleikhúsið og verður sýnt árið 2008. Marie Darrieussecq sló í gegn með fyrstu skáldsögu sinni, Gyltingu, árið 1996. Skáldsagan varð metsölubók í Frakklandi og hefur verið þýdd á fjölda tungumála, og kom meðal annars út á íslensku. Darrieussecq hefur sent frá sér nokkar...

Nú fer sýningum að ljúka á leikritinu Epli og eikur sem Hugleikur sýnir í Möguleikhúsinu. Höfundur er Þórunn Guðmundsdóttir, en leikstjóri Oddur Bjarni Þorkelsson. Síðustu sýningar eru: Miðvikudag 18. apríl Fimmtudag 19. apríl -Allra síðasta sýning Sýningar hefjast klukkan 20.00 og miðapantanir eru á hugleikur.is og í síma 551 2525. Miðaverð er kr. 1.500. En því fer fjarri að Hugleikur sé hættur í vetur.  Nú standa yfir sýningar á verkinu Bingó sem Hugleikur frumsýndi síðastliðinn laugardag í samvinnu við Leikfélag Kópavogs. Þá frumsýningu bar einmitt upp á 23 ára afmæli félagsins. Bingó er einnig síðasta sýningin sem Leikfélag Kópavogs...