Author: lensherra

Curtain Up! The Kids Are Back er eins dags vefráðstefna um barnaleikhús á vegum Alþjóðaáhugaleikhússambandsins. Ráðstefnan sem verður haldin 5. nóvember er fyrir alla sem vinna með börnum í leiklist.   Þeir sem áhuga hafa á ráðstefnunni geta haft samband við Þjónustumiðstöð og fengið kóða sem gefur 15% afslátt af þátttökugjaldi. Fjölmargir spennandi fyrirlesarar eru á ráðstefnunni sem haldin verður á ensku, frönsku og spænsku en rauntímatúlkun verður á fyrirlestrunum.  Dagskrá ráðstefnunnar má finna hér.  Áhugasamir um þátttöku í ráðstefnunni hafi samband við Þjónustumiðstöð fyrir frekari...

Leikfélag Keflavíkur frumsýndi fjölskyldusöngleikinn Ronju ræningjadóttur síðastliðið föstudagskvöld fyrir fullu húsi. Frumsýningin gekk vonum framar og áhorfendur virkilega ánægðir með þessa skemmtilegu uppsetningu. Þetta er í fyrsta sinn í fimm ár sem börn taka þátt í leiksýningum hjá leikfélaginu en af 22 einstaklingum í leikhópnum eru 10 börn á grunnskólaaldri. Hreindís Ylva Garðarsdóttir Hólm sér um leikstjórn og danshöfundur er Guðríður Jóhannsdóttur. Tónlistarstjóri er Sigurður Smári Hansson en lifandi hljómsveit sér um alla tónlist í sýningunni.  Það er mikil gleði hjá Leikfélagi Keflavíkur að geta boðið börnum aftur í leikhús, bæði á svið og sem áhorfendur, en mikið hefur...

Leikfélag Fjallabyggðar æfir nú nýtt leikrit eftir Guðmund Ólafsson, sem jafnframt er leikstjóri. Verkið heitir BIRGITTA KVEÐUR og er sagt vera ”sakamálaleikrit með gamansömu ívafi”. Æfingar hófust tólfta september og frumsýning verður 28. október. Leikritið gerist á einu föstudagssíðdegi og kvöldi í litlu innflutningsfyrirtæki, sem hefur sérhæft sig í innflutningi frá Kína. En þetta er ekki venjulegur dagur því um kvöldið á að kveðja elsta starfsmanninn, hana Birgittu, sem er að láta af störfum vegna aldurs. Er að því tilefni slegið upp kveðjuveislu. Er óhætt að segja að kvöldið verði viðburðarríkt og óvæntir atburðir gerist þannig að kalla þarf...

Opnað hefur verið fyrir umsóknir á Alþjóðlegu áhugaleiklistarhátíðina sem haldin verður í Debrecen í Ungverjalandi dagana 19.-25.  júní 2023. Þema hátíðarinnar er Friður. Finna má reglur hátíðarinnar hér.  Óskað er eftir sýningum sem eru ekki lengri en 60 mínútur þó undantekningu megi gera vegna sýninga sem teljast sérlega athyglisverðar. Tíminn til uppsetningar sýningar og frágangs skal ekki vera lengri en 30 mínútur. Allt að 12 manna hópar fá gistingu, fæði og ferðir innanlands frítt.  Tímamörk umsókna eru 31. október 2022. Umsóknir skal senda inn hér. Nánari upplýsingar veitir Þjónustumiðstöð BÍL í info@leiklist.is eða í síma...